【台文】

柳丁開花的期間真短，但是我毋捌錯過每一年的花期。這咧季節，為著迷人的柳丁花芳味，下班時特工踅遠路經過柳丁園；機車慢慢仔騎、黃昏的鳥隻唱歌予阮聽、飛懸飛低的蝴蝶來做伴、花蕊斟酌看、恨袂得共芳味紮咧行。今年的花期，煞干單會當目睭金金看花開、看花已經強強欲落塗，抑鼻袂著一點點花芳味；敢是今年花無芳？實在是鼻龍創治人！

自舊年年底重感冒了後，留落來鼻仔袂通的症頭，算算咧嘛有個外月矣，醫生講是生鼻龍，生甲足大隻，問伊欲按怎？伊講會儘量醫治，無法度掛保證。藥仔改了閣再改，袂通的鼻仔真固執，藥仔愈食症頭愈重。日時鼻袂通、暝時鼻倒流，袂當順勢喘氣的感覺真艱苦，睏眠受攪吵，日時無精神，愈來愈無好脾氣。

二姐知影我的症頭了後，報我食一種科學中藥，二姐講伊以早鼻龍是食這味中藥食好的。

有新的藥帖、就有新的希望。認真食一、兩工了後，鼻仔略略仔通矣、暝時免捷捷起床、花芳嘛會當鼻著一寡寡仔；這咧時陣煞發覺，無想欲鼻著的氣味，嘛攏畷咧來……像講；空氣中污染濁濁的味、糞埽車的臭餿味、水溝仔的臭水味佮等待青燈時鼻著的臭熏味。

鼻仔袂通的時，思念的是花芳、是飯菜芳，袂記得猶有使人討厭的氣味。

人世間花芳值得等待、雜味嘛一定也綴咧來；有生就有死、有芳就有臭、有甜就有苦……！咱人，干單會當認份行過這條人生路。

【華文】

柳丁開花的時日很短，但是我不曾錯過每一年的花期。這個季節，為了迷人的柳丁花香味，下班時特意繞遠路經過柳丁園區；機車慢慢騎、黃昏的小鳥唱著好聽的歌聲、蝴蝶飛舞來做伴、花兒仔細瞧、恨不得將花香帶回家。今年的花期，竟只能眼睜睜看著花開、花將謝，還是聞不到一點兒花香味；難道是今年的花沒有香味？原來是鼻竇炎作怪！

自從去年年底得了重感冒以後，鼻子沒有一天暢通過，時間過了一個多月，醫生說是鼻竇炎很嚴重，問他怎麼辦？他說會儘力醫治，但沒有把握能痊癒。藥方改了又改，鼻子很固執、不給呼吸從鼻子經過，症狀愈來愈嚴重。白天鼻塞、夜間鼻涕倒流，呼吸無法順暢很受苦，夜裡的覺眠受干擾、白天工作沒精神、脾氣愈來愈煩燥。

二姐知道我的情形後，要我試試看一種科學中藥，她之前的鼻竇炎是這一味科學中藥治好的。

有了新藥方、心中燃起新希望。認真服用一兩天後，鼻子略略通了、夜間覺眠中斷的次數也減少、也能聞到一點點的花香；這個時候才發覺，不喜歡的氣味也跟著被吸進來……像；空氣中污染混濁的味道、垃圾車的餿水味、水溝散發出來的刺鼻的臭味道與等紅緣燈時聞到的煙臭味。鼻子不通時，思念的是花香、菜飯香，早已忘記原來還會有讓人聞之想要逃離的味道。

這人間花香值得等待，雜味也會跟著來；有生就有死、有香就有臭、有甜就有苦……我們只能概括承受！