＊舊作＊

乖囝

來，遮坐

阿母教汝捧酒杯

汝當青春17歲

親像拄開一蕊花

花的色彩

由汝畫烏擦白

時間誠緊愛會記

奚是阿母

卡早行過的年紀

掠準青春濟濟濟

日子無蓋認真過

心內定定咧後悔

現此時的汝

人生的彩布

猶原白白白

阮卜看汝佇頂懸

畫一間水水水的家

笑聲濟濟濟

畫一條闊闊闊的路

幸福滿四界

會記

愛會記

千萬毋通

毋通畫一個流浪漢

街頭巷尾戇戇踅

因為無論汝是

英俊少年十七八

亦是

白髮老邁七十八

永遠、永遠

汝攏是阿母心肝底

惜命命的寶貝