漏仔厝

早起風雨較細..趁歇睏，想講來去樓頂錄寡仔台語文
一起哩...客廳塗跤有水...
起初掠準是客廳玻璃大門無關的問題..毌是

閣看唯欲去三樓的樓梯..嘛乾乾

原來是唯囡仔的房間流出來的
床頭櫃下面有水....嘛毋知唯佗來的
敢是冷氣窗的縫？敢是電箱的孔？
原因揣無....

貓咪佇身邊看我拭水..無像往過跳來跳去的狡怪 ..若像咧問汰會按呢？

拭好拍一睏仔球..貓仔恢復愛耍的本性。著嘛！厝裡入水算啥？拭拭咧就好矣。

球耍煞
拍開房間入去欲錄音...
哇～
天篷(天花板)壁角澹澹.....
佳哉無成災。

厝頂漏水驚惶一暝的大姐....免驚啦！參咱細漢時蹛的［漏仔厝］來比、這。算啥！著否？
閣再講、細漢時承水跤桶、水桶叮叮咚咚的聲音，到今、敢是攏變做甜蜜記持的旋律？

2015.09.29