［7月9日寫］

捌聽人講--少年仔講台語
找錢【chāu-chîⁿ】會講做揣錢【tshuē-chîⁿ】
掠作彼是人咧講的笑話
想袂到真正予我拄著

我買物件的時，定定是坐佇機車頂頭，向店內喝欲買的物仔佮數量。

昨昏店頭家手當咧無閒，就叫店內一个少歲的查某囡仔提物件予我。
大概是聽我講台語，彼个查某囡仔物件哪款，就用台語問我：愛揣錢否？

我知伊講毋著，就gia̍t-gia̍t仔共應：錢佇皮包仔內底，免揣呢！

頭家佇內底聽著，教伊講：是找錢、毋是揣錢！

查某囡仔物件捾出來予我，我共錢提予伊，笑笑共伊講：佮妳講耍笑的啦！是講，學著一句台語啊hoⁿ，下一遍人客來，妳就會曉講：愛找錢否！

伊歹勢歹勢，文文仔笑共我講：再見！