昨暝暗頓食飽，坐佇電腦前咧耍電腦。 

聽外口天公梢聲【聲音沙啞】遠遠咧咳嗽、無偌久雨綿仔滴佇厝頂bô-lám-bô-ne【有氣無力】的聲，想講、欲就落較大咧，較會涼。 

雄雄一个笑笑的面容佇網仔門探咧探咧。 

咦？姐夫！

請大姐夫入門。

伊講：歹勢呢，無先講就走來。

哎呦，阮歡喜都袂赴矣、講啥歹勢！ 

我想應該是二姐開車載阿姐佮姐夫亻因來。

真正予阮臆著。二姐佮大姐車停好，就綴後入來矣。 

誠歡喜，規暝話講袂煞。

阿維無閒通來。

亻因閣替阿維送月餅來予我。 

來蹛一暝，中晝就閣轉去台北矣 

二姐講知影阮無方便去遠路，所以亻因來。 

感謝父母賜我有情的兄弟姐妹

佇父母離開了，亻因共款像父母在生按呢疼惜阮。 

有這款的親情，阮連眠夢都會微微仔笑。

忍不住，想欲分享這份歡喜。