20109.07.07

頂日仔看浩克慢遊來林內tshit-thô的影片，誠欣羨。
雖然林內離我蹛的所在無偌遠，而且出入定定經過林內，毋拘，彼攏是［路過］，無法度像浩克怹兩人按呢深度旅遊。

真好運，足緊就予我行入去曾經欣羨的所在。
　
今仔日tuè斗南愛無礙協會騎手搖車去林內，清朗的天氣，會當看著清氣清氣的山，天頂純白的雲，親像温柔的姑娘。
雖然日頭真炎，闊闊的田洋，吹來的風猶原帶著涼涼的感覺，樹葉仔隨風搖動的聲，已經毋知偌久毋捌聽矣。