 
字體：小 中 大 |
|
|
|
| 2020/05/13 08:16:55瀏覽18｜回應0｜推薦0 | |
2019.05.26 這隻粉鳥仔，是昨下晡參加座談，老師囥佇螢幕的相片。
老師講這是伊去芝加哥讀冊的時，佇公園翕的，問講敢看會出來這隻鳥仔有啥無仝？ 若是我是感覺公園的鳥仔攏仝款。 有觀察較微細的學員講：伊干但一枝跤。 Hăⁿ？阮細漢時厝裡有飼雞仔，伊有時嘛會共一枝跤藏起來，用單肢徛咧睏啊？這敢毋是？ 老師講粉鳥袂像雞仔按呢睏。這是失去一枝跤的粉鳥。 粉鳥仔失去一枝跤，就像阮身體的殘障，一定毋是故意去選擇的。 雖然伊偆一枝跤，嘛是翅仔展咧，四界飛。 雖然阮方便，嘛是努力活出一片參人仝款的天。 問老師敢會使翕相？ 老師講會。 我捌上過一種課，袂使寫筆記、袂使錄音、錄影閣較免講。 這張相片感覺真珍貴。 看著這張相片，想講主角一定有參阮仝款的無奈，內心煞有淡薄仔激動。 世界上有真濟代誌，攏是天意，既然天揀選咱做這種角 色，咱就認真共扮演予十全十美。 我煞想起最近真熱的議題- - 同婚。 怹一定嘛是上天揀選的角色。 咱尊重每一个人，就親像咱希望逐个尊重咱參人無仝。
|
|
| ( 心情隨筆｜心靈 ) |
