驚伊牢佇車跤袂當出來，驚伊予走廊的雜物絆著，走袂出來。
外口車跤揣無貓，內底四界看無影。
　
有時陣，會想講，敢會是已經離開兩年外彼隻貓咪轉來？
　
往過飼佇厝內，彼隻可愛柑仔色的貓咪，逐中晝我機車一入來到巷仔，伊就會跳起來窗仔門，恬恬等我停車。

當然伊是無可能閣倒轉來矣，是聽著神秘的貓仔聲，予人對伊閣思念深深。
　
中晝，看著鐡門頂頭，貓仔尾津落來佇遐幌啊幌。
啊好！掠著矣齁。

原來，是貓仔爬起哩門頂頭，按呢共阮創治。你佇頂頭，看阮遮揣遐揣，揣甲遐緊張，啊你連應一句都毋，無好耍呢，貓咪！

**
假若=好像
sai-nai sai-nai=撒嬌