2018.10.20

面冊通知，今仔日是老邱的生日，看著心肝頭一陣痠痠的滋味。
老邱是我國中的同學，蹛台中，歇睏日阮定定去怹兜tshit-thô（玩耍），怹兜咧做肉包，爸母誠無閒，所以佇怹兜渡假，真自由，閣有好食的包仔在咱食。
　
蹛學舍的阮，歇睏日欲出校門，著愛有家長簽名同意才會使得，我厝佇北部，爸母無可能來簽名予我外出，所以，像我這種情形的同學，攏會想辦法『偷渡』，去台中看電影、踅街等等，暗來，就去老邱怹兜過暝。
　
佇遐過暝就假若咧開同學會，耍甲毋知通煞。
彼是國中生活上難忘快樂的歲月。