透早佇電鍋炊三粒饅頭。六點捅仔，一家3个人同齊食早餐，幸福的感覺，竟然遮呢簡單。
　
囡仔趕早班車上北，欲接下晡的班。
　
載伊去火車頭，倒轉來看著東爿探頭的日頭，人攏講，少年人的人生，親像早起時的日頭….
　　
頂工讀冊會讀著一句西洋的俗語：搖搖籃的手會通搖動天跤下！
　
提醒家己，毋通用搖動天跤下的手，阻動向前衝的少年家、毋通做一蕊遮閘早起時日頭的烏雲。