袂記得當時按怎共解說，內心略略仔chhoah一趒，哪會參我共款的疑問？只是阮細漢的時，攏共問題囥心內，袂曉問大人。
　 
總是，咱行袂到霧上厚彼所在啦，因為無論咱行到佗一搭，霧就薄到佗一搭。
　 
即馬若罩霧，人咧討論的是致使空氣bái的霾。
古早若罩霧，老輩的人會講一句：霧若開，曝死烏kui.

烏kui是啥貨仔？「孤狗」的答案，講是日頭若siuⁿ大，會共烏龜曝死去？
我會記得老輩的人講這句話的時，彼種口氣、彼種氣氛，若像毋是咧講動物的烏kui。

可惜，時間袂當倒轉去袂記得問的彼當時！