 
字體：小 中 大 |
|
|
|
| 2017/12/12 16:38:08瀏覽256｜回應0｜推薦2 | |
花貓-4 2017.10.04 最近看袂少人佇面冊ＰＯ
花若盛開 蝴蝶自來 你若精彩 自有安排 看著這隻貓仔囝 想講，會使加一句 門口若囥飼料 貓就會家己走來 這隻，貓仔囝，新來的 厝邊阿桑講：無彩遮媠，煞白跤蹄。 白跤蹄？敢有要緊，伊只不過是揀一雙白襪仔穿起來，煞褪袂落來按呢爾啊！ 有人講：豬來窮、狗來富、貓來起大厝。 最近佇台語讀冊會聽著李老師講，這句話有誠深的體貼佇內底。 往過，厝裡豬若飼大隻了是一筆袂細的收入，豬若關無好勢去予走去別人兜，因為有經濟價值，有的人就無想欲還人。 所以就有人傳說講：厝裡若無代無誌有豬走來，會衰、會散，會敗；按呢，人若看著豬來，袂共收留，會共趕倒轉去。 啊若是狗佮貓，來到咱兜，以早的人無咧買賣貓仔狗仔，著加了飯共飼。 貓仔狗仔無人飼的誠可憐，所以人就講..狗來富、貓來起大厝。按呢就會鼓勵人共貓仔狗仔飼落來。
|
|
| ( 心情隨筆｜心靈 ) |
