 
字體：小 中 大 |
|
|
|
| 2017/12/12 16:20:51瀏覽105｜回應1｜推薦2 | |
花貓-3 2017.09.16寫 這隻貓，成個月前伊生的3隻貓仔囝雄雄行踪不明，當咧飼奶的貓母漲奶閣想囝，暝日哼哼叫，看著毋甘，為著另日莫閣予伊行痛苦的路；參怹的主人、阮的厝邊參詳，阮來替伊處理，掠去閹。 閹了，貓煞認定『你家就是我家』，暗頭仔蠓仔門抓抓咧，阮就放伊入來；內底巡巡咧，關袂牢閣欲出去，阮就放伊自由。 早起厝邊阿桑共我講，這隻貓閹了加足溫純。 敢有影？ 盈暗，閣入來，這時陣走廊入來一隻貓仔囝，咧食貓仔碗裡的飼料，應該是失踪去彼3隻其中的一隻轉來矣。 貓母覆佇門看外口貓仔囝咧食。 我解讀做母親咧關心囡仔，愛的眼神！ 所以，就共門拍開，予伊去惜囝。 續落竟然演一齣予我料想袂到的場面。 貓母慢慢仔行倚，貓仔囝哪食哪看，保持警覺（佇外口受過偌大的驚惶啊？！） 貓母毋是惜伊，是受氣大下共貓仔囝歕氣.... 貓仔囝驚一下走去覕起來...毋敢喘氣！ 哎呀！阿桑講的溫純、我內心認定的母愛，攏是幻想。 可憐的貓仔囝......。
|
|
| ( 心情隨筆｜心靈 ) |
