 
字體：小 中 大 |
|
|
|
| 2017/12/12 16:49:25瀏覽177｜回應0｜推薦2 | |
風雨前的逍遙--手搖車溪洲行 2017.07.29 趁泥沙chiá-chiá【姐姐】舞步iáu【猶】未搖
手緊搖車仔來過西螺橋。 今仔日ê目的地是...彰化縣ê溪州公園 頂年仔號做[肥豬肉] ê時，有對遐經過，干但佇外圍仔行一遍，就塞佇車隊內底，毋敢、嘛無想欲入去。 今仔日早起成十點仔就到位，已經改轉來叫做［溪州公園］；遊客iáu無濟，搖車仔佇公園內四界踅，欣賞青翠ê草木、水池仔內底有鴨仔嘛有魚，phú【灰】色ê雲佇阮頭殼頂，一刻久都毋離開，一直咧催阮：緊行、緊行！泥沙chiá-chiá liâm-mi【馬上】欲起駕。 中晝食飽，hōo-mî-á【小雨滴】誠客氣，一點、一滴沃阮袂澹，誠心誠意....大雨欲來先遣小雨來通知。 回程行新ê西螺橋....彰化彼爿ê人講..這叫做溪州大橋、雲林這爿ê人講，彼叫做新西螺溪橋；我是來蹛佇雲林ê彰化人，有彰化人ê血脈、有雲林人ê感情...這條橋...叫啥攏好，橫正伊就是渡咱過河！ 有幾何擺搖車過橋ê經驗，共咱講，起崎ê艱苦過了，就是落崎ê輕可；這條橋汰會生做按呢生？對溪州彼頭起來...一直peh-kiā【爬坡】、一直peh-kiā，等無落崎ê予咱ê氣力通來歇。敢講？雲林地勢懸、彰化地勢低？應該毋是按呢。 橋誠長，阿美今仔日騎機車［陪騎］，這時陣騎來佇我身邊，阮同齊唱歌......月落啊！烏啼....霜滿天！ 大大聲共唱落去，反正離頭前ê人真遠、後背ê人無聽著！ 竟然閣有力通唱歌，才發覺，唱歌ê氣力，無才調提來手搖車。 今、平安到厝嘍！ 泥沙chiá-chiá...汝請！ 舞台是汝ê，請汝輕輕仔搖，毋通共阮ê菜價搖上天、請mài【不要］ 共阮ê山、河搖甲 hi-le̍h-le̍h【支離破碎】。 |
|
| ( 心情隨筆｜心靈 ) |
