2020.06.07寫
拜三得欲下班，看著可玉PO消息，禮拜欲去古坑，欲去的人會使報名。
我差不多是秒回，+1。
早起理事長先𤆬阮踅對他里霧埤水公園，內底的阿勃勒，開甲誠媠，黃色的花若像會發光。
一陣風吹過來，花蕊輕輕仔飛，勻勻仔落落來。
中晝佇古坑綠色隧道歇睏。理事長佮阿勳歕口琴，阮佇邊仔歌罔唱。心情若像樹仔頂的鳥隻，快樂甲。
回程，拄著一陣西北雨。
覕佇一个亭仔跤。
彼間厝已經倒一半矣，亭仔跤猶好溜溜，人講破鼓挺好救月，這間破厝仔，敢是註定欲予阮覕雨的？
理事長無雨幔。對面人家厝一个婦人人行出來，麻煩阿裕仔過去借看有雨幔否。
本來講，雨幔攏穿過矣。後來提一領新的［輕便雨衣］講：免還啦！
誠多謝！
阮出外，總是拄著好人
＊＊
𤆬=帶
踅=繞
誠媠=很美
勻勻仔=慢慢地
歕口琴=吹口琴
覕=躲
亭仔跤=騎樓
綴=跟
字體：小 中 大
