![]() ![]() ![]() |
|
|
|
2007/12/18 13:31:10瀏覽1024|回應2|推薦28 | |
五月,我佇媽媽的相簿仔看到這張相片。 媽媽少年時代的模樣,像一首詩。專心看冊的伊,著是一首詩,我是按呢感覺的。媽媽隨喙唸出伊上愛的詩,宋朝朱熹的(偶成詩)。 「少年易老學難成,一寸光陰不可輕; 未覺池塘春草夢,階前梧桐已秋聲。」 我講毋是毋是,應該是朱熹的(觀書有感)。 「半畝方塘一鑑開,天光雲影共徘徊, 問渠哪得清如許,為有源頭活水來。」 我印象中的媽媽一直攏活甲真有精神,自伊少年到這陣。 雖然佇我成長的過程中,媽媽有足濟時陣是無閒咧上班,但是遐嘛是伊的「源頭活水」,甘毋是咧? 何況平常時仔厝內有訂報紙,媽媽下班返來厝內猶是ㄟ看報紙,對伊來講,瞭解世界大事嘛是一種「源頭活水」。有冬時仔歇睏日,媽媽嘛ㄟ帶阮四界行行咧,四界行、四界看,嘛ㄟ予人有一括新的想法,用今嘛的話講,叫做腦力激盪、叫做創意,這也著是「源頭活水」嘛! 有想法、有感想,著愛記落來,媽媽是按呢做,才有伊一本作文簿仔。 我毋知影阮姊姊有看過媽媽寫的文章麼?我是真正有看過,彼本簿仔紙已經黃黃黃,但是媽媽用鋼筆寫出來的筆跡猶是真清楚。真可惜,後來我閣共媽媽問起,彼本伊寫文章的簿仔,因為我閣足想要看咧。毋閣媽媽講已經佇搬厝時陣打冇去啊,媽媽那講那毋甘,掺我嘛感覺足毋甘咧,彼呢啊有價值的物件,著按呢冇去啊,永遠嘛找袂返來啊! 毋甘是毋甘,媽媽真緊著甲這項放下,予家己卡快樂的心情,這才是真正的「源頭活水」吧!
|
|
( 創作|散文 ) |