──作品簡介

詩的居心剖測與抵抗

   這詩集是台灣文學基地駐村創作作品與其延伸──2021年初春，配合主辦單位，以「瘟疫」為主題，進行為期兩週的現地創作與相關活動，由於投注的精力與心思足以發展成一本詩集，卻因進駐時間過短而無法完成，自己內裡與時空上總有些缺憾，於是回來後繼續將之補足，靈魂方覺圓滿。

   台語，是台灣本土母語中使用人口最多的一支；而台語文學，與客語、原住民語文學，同樣是台灣文學中不可或缺的DNA，現今華語獨大的體質中，若少了本土母語文學這一塊，台灣文學拼圖將永遠不完整。再者，想藉由駐村創作的機緣，為台灣文學基地寫一本專屬的台語詩，做為地基，期盼將來也有客語詩、原語詩進駐，共同給台文基打底，讓她逐漸枝繁葉茂而成蔭。

   這進駐行動，另一個面向與隱喻，其實是對主流價值飛蛾撲火式的抵抗。易言之，從申請、入駐、創作、活動設計、以及未來出閣後作品的彙整與出版等種種想望，是一個清醒且故意的藝術行動。

   而詩集內容，則以創作的整體呈現作為主軸，在編輯上不分卷，讓各類別作品交錯呈現；詩的形制，也盡量運用台語的特色與腔口，探求不同美學形式的可能。多元、混雜、隨機，都在生活化的原則上，緊扣「詩咧著災」這主題。

   台語的「著災（tio̍h-tse）」，是得瘟疫之意，在意涵上，卻延伸為「瘋狂」──詩在瘋狂，卻也遍地開花，在內容與形式的創作構思，努力契合此種企圖。以詩的視角觀之，除了詩自己在瘋狂外，人也在瘋狂，城市與世界也在瘋狂。

   瘟疫，不只是生理上，也是心理上的瘟疫。因此，人的冷漠與愛，抵抗與覺醒，造謠、妒恨、貪嗔癡……以致母語的漸漸淪亡，都是一種瘟疫，在城市中蔓延。最可怕的病毒，不是生物學的病毒，而是精神上的，價值觀的扭曲與異化，亦是本詩集想要探索的議題。

   至於台語書寫，採用最有前景的漢羅混寫方式，以漢字為主，羅馬字為輔；為求標準化以利推廣普及，兩者皆遵循教育部頒定的書寫系統與原則。

   本詩集以台北市為書寫中心，順著捷運網路偶爾旁及新北，可視為地誌詩遊戲人間，也可作為深度旅行的心靈地圖。在瘟疫蔓延的年代，這當然也是一種嚴肅的文學見證。

   在本土母語最薄弱的天龍國，刻意種一些台語詩，我的居心剖測，總希望激起一些美麗的漣漪或騷動。歹勢。

（2021/9/23）

&

－－踏話頭

詩有光閃爍

   這擺，全世界，有影hōo中國病毒凌治kah忝忝忝，逐家哀爸叫母，到今，欲兩冬矣，猶leh湠，若像無了時。

   好佳哉，咱台灣，猶算掠有牢，雖罔有鳥鼠咬布袋，關關歹過關關過。毋過，對有血有目屎ê人，總是一款拖磨。

   啊拄著矣，嘛是愛家己揣出路，你知影，詩，是我靈魂ê救星，定定tī烏暗ê深坑替咱報路，kā咱安搭。無疑悟，年初拄好有機緣來台文基駐村創作，主辦koh提供古蹟級ê宿舍hōo咱蹛，無打緊，koh家己蹛一棟，若做皇帝leh，所致，詩leh生，koh不止仔順序。

   橫直，全世界攏leh著災，我詩嘛kā放leh著災，看啥想啥就寫啥，kā心拍開，hōo自然生湠發穎，初初看，敢若拋荒ê草埔，等收尾了，詩ê花，就一蕊一蕊開tī田園，有光閃爍。歡喜kah。

   有寫人、有寫地景、寫活動，嘛有寫心肝底稀微ê意念等等；想bē到，koh自然發出七字仔四句連；啊leh坐捷運，看著車廂ê捷運詩，心內彼粒葡萄雄雄煞酸起來，手也擽，決定綴leh寫，kā號做「偽捷運詩」，無車廂好貼，就貼leh家己ê冊。爽就好。哈，有影，詩嘛leh著災。

 駐村煞鼓，想袂到詩猶毋煞，轉來阮彰化只好koh繼續生繼續寫，那寫那鬥，真緊就有一本詩集ê量矣。紲來leh？爽了後，操煩就自動駛來。總是，著愛出版和人分享，詩才有完整ê性命；koh再講，嘛著替咱台語詩留寡根命，bē使hông看無。敢毋是？

   你定著知，干焦有心，無夠，愛koh上蒼鬥保庇；六月，初稿欲完成ê時，咱kā送案去申請補助，煞無過。咱有心，人頇顢，嘛是無法度。咱是無名小卒，補助無過，出版社無可能替咱出版；當然，無過ê因端，bē當怪人，是咱家己愛檢討。

   詩，好䆀，攏家己ê囝，總是愛繼續向前行；想想leh，無，家己來印，留一个記念和教示嘛好；你知，毋是咱面皮厚，是為著迎接將來較好ê詩出世。

   論真講，窮實嘛毋是為著啥物好詩；詩，早就是我ê生活矣，好䆀免人來論斷，咱性命不一定愛圓滿，毋過愛盡心盡力來kā完成，按呢，才bē對不起家己。詩ê意義，毋是為著名利，是為著欲hōo日子較有意義，有時，若去搪著一兩个仔欣賞咱ê知己，就是一層幸福ê代誌。

   Tī這个瘟疫掣流ê世界，會當按呢平平安安寫詩，講無暢，是欺騙家己。所以，咱定著會繼續用感恩ê心情，拚勢來寫台語詩，看會加寫出一寡仔感動家己感動別人ê詩無？這，是對這个著災世界ê報答，kah抗議。 

註解：

凌治：lîng-tī，欺凌。

忝：thiám，累。

牢：tiâu，穩固。

拄著：tú-tio̍h，遇見。

安搭：an-tah，撫慰。

蹛：tuà，住。

著災：tio̍h-tse，得瘟疫。

綴：tuè，跟隨。

發穎：puh-ínn，發芽。

擽：ngiau，癢。

偽：guī，虛假。

紲來：suà--lâi，然後。

干焦：kan-na，只。

頇顢：hân-bān，憨傻。

䆀：bái，醜、壞。

窮實：kîng-si̍t，其實。

搪著：tn̄g-tio̍h，遇到。

掣流：tshuah-lâu，急流。

──陳胤/2021/10/14

&

──篇目

台北，詩leh著災

詩集簡介4

踏話頭8

車牌仔17

三枋橋街21

舊瓦厝ê春天29

彼年春天33

無頭神41

戇大呆45

瘟疫51

台文咯咯雞57

鼓仔燈63

嘿65

面腔67

屍71

一粒號做我ê山73

美麗島77

影83

吊環85

妖精89

寂寞93

啞口99

電扶梯101

詩105

228記念公園107

平安戲113

走馬燈117

防空壕121

文學127

虔誠ê愛129

選擇133

乎135

看板137

絲141

目神143

啥物世界147

有歲153

神社155

渡口161

新店溪163

家己169

喙罨175

唉177

春光179

色緻183

拋荒189

北投文學步道彼粒石頭195

喙舌199

青春海湧203

揹仔207

人影211

海報215

愛是啥物219

照鏡225

18禁227

台語羅馬字拼音方案230