#新冊檔案
書名：茶米茶
作者：陳胤
文類：台語現代詩
美術設計：Tânīn
規格：130*187mm
封皮：象牙紙2520g
內頁：畫刊紙120g*184頁
扉頁：牛皮紙120g
出版：柳河文化工作室
定價：NT$ 250
生日：2026/1/1
（百本限量版）

#詩集簡介
<爛漫之舞>

茶，不僅是飲品，也是一種文化。

泡茶，更是修行。所謂的禪茶一味，那種氛圍，令人著迷。現代人，生活過度快速，時間體感幾乎麻痺到連自己都毫無知覺；此時，泡一壺茶，可能就是靈魂的救贖。在山林、在斗室，或在煙硝瀰漫的都城，靜靜坐下來，細細喝一口茶，沉浸在舌尖漫舞的滋味，即是片刻幸福。

喝茶的人眾多，與喝咖啡喝酒一樣，如何從感官刺激提升到心靈層次的迴旋，端看你如何品嘗、如何造境。心，就是一個神祕世界。茶，也是。茶的前世，更是一株活生生的樹……

這本詩集，是以茶為主題的詩集；但並沒有科學性去描繪、建構詩集的結構，只是蒐集我寫過的關於茶的詩。自從我的詩生活化後，除了特定計劃外，多到難以去記憶它躲在何處；對年紀漸長記性漸衰的初老者，要在腦裡搜尋就變成一個難題。泡茶老早就是我生活一部份，自然到沒特別去想寫一本專集；後來有想到在FB做一個茶相簿，但已是後來，後來也有忘記放入相簿的詩，我的隨興，是歡喜之餘的苦果，許多之前的詩就佚散在茫茫網海之中，或已放入其他詩集出版了。

還好，FB有搜尋功能，鍵入「茶」關鍵字，剔除已出版的詩，就是這本詩集的樣貌。那茶，或主角，或配角，或只是淡淡一字嵌在詩句中，千姿百態都是思緒的化身。茶，是千手觀音。當然，一定有漏網之魚，比如很多寫茶或喝茶但並無茶字的靜坐之詩，或者搜尋程式的眼盲，就讓它們繼續去悠游吧！因量已足夠，可以成書就好。所以，詩集裡的每首詩，是名符其實的因緣際會。

詩作年代大致在2018-2025年間，總共71首。前5首短詩，是編書時加寫的，當成前奏曲，讓整體呈現更有儀式感。我的許多詩，其實都在茶桌上完成的，泡茶過程，其實就是靜心的過程，心靜之後，詩自然湧現。詩茶合一，是我著迷的另一個境界。

近來，我以瀕危的母語入詩，茶，更增添千般萬般滋味，繁複、掙扎與幸福交織，都一起化作我日常身影，躊躇。是啊，世間艱難，如何在悲喜之間為自己多造一些解脫之境，是永遠的功課。

茶與詩，為我創造出一個婆娑世界；整理茶詩，然後印製成書，也像泡一壺新茶，回報這個讓我安身立命的世界。苦澀難免，期待能漸漸回甘；一支蝴蝶般爛漫的生命之舞……

──2025/11/27

#踏話頭
<青春芳味>

霜風又koh開始leh吹ah。我kah我ê詩，自自然然mā綴節氣leh轉踅；悲喜苦樂，永遠tī世間輪迴，無人走閃會去；咱定著虔誠kā承落來心肝底，好好仔kā疼、kā惜、kā奉祀，當做leh孵卵，聽候春天來ê時，hōo眠夢開花。

你知，寒人，咱ê詩小可仔延tshiân；毋是伊無來挵門，是我身體各樣ê因端。啊，有歲ah，難免按呢生；病疼來來去去，敢若leh散步leh，伊歡喜，啊咱著知苦。

這擺，代誌較大條，等花開等來等去，suah去等著流感來盤撋。我罕得感冒，若是中鏢，拖磨一兩月日走bē去；病尾逐擺lò-lò長，koh會牽絲；極加僥倖ê是，莫講酒、咖啡，連茶都bē磕得，人生啊，見若lim暗時就大塞鼻，塞kah無才調睏，kan-na倒落來niâ，胸坎仔就實實，有影拖磨。

你定著mā知，這个季節咱beh做這本茶米茶詩，若是無茶通lim，哪有氣氛leh？詩好bái歹講，氣氛上重要；親像我這款帶浪漫身命ê毋成人，無咖啡無酒koh會堪得，無茶，茶詩敢koh做會落去？啊！拄著ah，日子歹度mā愛度，工課mā著罔做。

你喙舌若beh準備kā我呵咾，先慢且──哈，無遮乖啦！我自首。好未離這站，我偷偷仔lim一罐Bì-lù、三杯茶、三杯咖啡。結果……爽是爽，暗時時間若翻點，就哀爸叫母，吼bē離。唉，苦憐代，也是莫koh講較bē厭氣。

是講，茶，對我來講，有特別ê意義。我自大學二年開始學人泡茶，算算leh，到今41冬ah。彼當時，唌我泡茶ê毋是茶，是泡茶彼款幸福ê聲嗽，拄拄仔好，會當醫治我彼時揣無出路ê青春苦悶；疊跤、靜坐，綴喜多郎漂浪ê樂音，勻勻仔kā茶米沖開，若像咱身體mā綴leh放冗仝款，一目nih仔，靈魂ê束縛全然敨解，飛去千里遠，隨風飄搖……

這幾冬興行路、行山，茶mā綴我拋拋走，坐禪變行禪，仝款是修行；有當時仔tī樹林裡，石頭一下坐就神神毋知人，刁工hōo時間勻勻仔uì我身軀研過，勻勻仔滲出歡喜ê味；尾仔，人mā綴leh變做靜定ê石頭，一下躊躇，又koh變轉來一箍癮頭。這是我汫汫薄薄ê幸福。山裡，一喙茶，就心滿意足。

舊年熱人彼跤兜，左跤跤蹬各樣各樣，我懷疑kah靜坐疊跤有牽連，想講歇一站節看覓仔leh，一下歇，tī塌塌米泡茶靜心ê習慣suah斷去，改lim咖啡；雖罔，出外仝款行山修行，毋過tī厝，就敢若欠一味，礙虐礙虐；這擺流感著災，hōo我重頭巡視一寡生活慣勢，定著愛koh撨摵，天神leh kā咱托頭，suah免停跤一下，好好仔懺悔、思考。

頂擺流感是2018年春天， 5工藥仔食煞，病尾逐工攏kōo運動來調養，這馬跤bē堪得，只好揣新ê出路。想想leh，無，koh轉來茶桌，換一个疊跤ê屈勢試看覓；咱知，病毒攻身會成，心定著有一寡缺角ah，靜心調心，對身體免疫力會有幫贊。罔試罔試，無疑悟改一个新屈勢，敢若會四序ê款。這幾工我開始leh描畫新ê生活藍圖──運動隔工、靜坐泡茶、咖啡減量，詩做底蒂照常，彼是咱另外一个身命……

唉！咱人按呢無閒tshih-tshih，終其尾，mā是為著beh奉祀這sian厚操煩ê肉身。病疼愛解化，靈魂愛安搭，規世人攏註定愛tī苦難裡揣一絲絲仔幸福kah歡喜。這，號做命。

頂擺流感是B，這擺是A，這隻病毒有影較厲害，uì中秋kā我操到今，霜降過beh大雪ah，猶好未離流；啊，頂禮拜姑不將koh去提3工藥仔食。這禮拜感覺若像有差，早起開始泡寡茶米來試，一葉、兩葉、三葉按呢慢慢仔加，hōo鼻咽綴leh適應；睏眠mā沓沓仔leh飽足。一句話，感恩啦！

霜風，早暗仝款leh吹，我窗仔攏毋敢傷開，佳哉猶有詩通好nuà，破病調養ê日子較bē遐稀微。今年聽講寒人較bē寒，毋知有影無影？想著隔幾工仔，凡勢會使轉來茶桌靜坐泡茶，心肝頭就隨小可甘甜起來；咱知，彼是咱家己ê春天，若像青春少年時……

彼款芳味。

註解：
喜多郎（きたろう/Kitarō/1953-）：Hí-to-lông，日本音樂家。
延tshiân：延遲。
盤撋：puânn-nuá，交陪。
實實：tsa̍t-tsa̍t，密實。
呵咾：o-ló，讚美。
翻點：huan-tiám，午夜12點。
礙虐：ngāi-gio̍h，尷尬。
冗：līng，鬆。
敨：tháu，解放。
各樣：koh-iūnn，異樣。
撨摵：tshiâu-tshi̍k，調整。
nuà（躽）：翻滾。
──2025/11/30