字體：小 中 大 |
|
|
|
| 2026/05/09 12:10:48瀏覽25｜回應0｜推薦0 | |
書名：天星 作者：陳胤 文類：台語現代詩 美術設計：Tânīn 規格：130*187mm 封皮：象牙紙220g 內頁：米道林紙100g*206頁 扉頁：牛皮紙120g 出版：柳河文化工作室 定價：NT$ 300 生日：2025/8/30 （百本限量版） #詩集簡介 ＜遠方的遠方＞ 你知道，我的詩是長在土地上的。這陣子天災人禍，賴以為生的島國蒙上一層隱憂，以致我的詩也跟著憂傷起來；想出去走走、盡情流汗，卻偏偏又不良於行，只好埋首整理詩集，繼續寫詩療癒。其實內心一直在奔跑。想去遠方的遠方看看我的山我的海，趁還吹著自由的風，心底美麗的夢境尚未崩壞…… 整理詩集，總有許多掙扎、歡欣，交織的複雜情緒，正是時間的滋味。鑽進過去裡，不是逃避，是要帶著它的酒香繼續往前走；過去，其實是通往更光亮的未來，因我在那裡埋了幸福的密碼，為自己預留一條蜿蜒迤邐的秘徑。 這詩集，是2017-2018年春天的詩，但中間一大段時間被我劫走，成了今年5月出版的《躊躇》。2017的詩，其實是一個專輯，寫我家家燕築巢、育雛、離巢的紀錄；本想以主題式的書慢慢獨立成冊，後來覺得這樣會有點無聊就作罷，一起丟回時間的河流裡，慢慢傾訴。 2018年3 月中旬，我身體有個變故。我去台北領文學獎順便帶了一個大獎回來──B流感。用克流感抵抗昏睡一週後，有些自律神經失調；四月初照預定計畫去花蓮鹽寮駐村創作，想說用太平洋好好療癒，誰知落腳之處離馬路竟比海還要近，車聲壓過海浪聲，夜晚根本難以入眠，勉強渡過清明連假5天，就棄租金落跑回彰化。 但，還是有詩留下。這些詩，本來也想找時間再去花蓮一趟補足缺憾，獨立成冊，想想也決定放生。這年紀，少些執著多些自在是好的，就再度讓它碎成波浪，返回大海。要整理的心緒太多，有時就隨波逐流吧；那時間之河…… 慢慢在臉書爬行，發現病毒入侵之前，我到過鹿港、宜蘭、台中科博館、國美館，還有基隆暖暖，詩都留下不少足跡。 這樣，共整理了82首。比預定的規模多了幾頁。內容就按時間順序分成4輯，也放幾張插圖做裝飾，讓眼睛有個歇息之處。 台語，原本是自然而然地誕生在我們的島，也自然而然地自稱、他稱、普稱，怎知經過有心人的政治操弄，今日卻面臨絕滅，且變成爭議之詞；連中共國都來助攻列為禁用詞，你便可知其命運多舛。 我寫詩，不僅自我療癒，也是對「台語」的撫慰。也常說，內憂外患的此時此刻，光是「台語」本身的存在就是一首行動詩；抵抗生命的無明與世間的荒唐，就是詩的本質。其他的本土母語也是。同心，一起寫起來吧，抵抗淪亡的命運…… 你知道的，我仍用台語寫著詩，日日夜夜，種在土地上；島國各地掙扎之處，常有我許多夢痕與腳跡。哪天你在遊山玩水時，隨意孤狗，或許就跳出我的詩與你打招呼，如羞澀眨眼的星，是啊！ 請多多指教，我的善意與白目。 ──2025/8/1 #踏話頭 ＜符號＞ ──兼講我台文書寫一寡躊躇 拄才，風裡，我鼻著一寡花ê芳味；心內知知，彼是時間勻勻仔leh飄失、毋甘ê情意。我勻勻仔啖，輕輕仔tsi̍p，kā家己安搭，是苦是甜，彼攏是性命ê滋味。 目一nih，我寫台文，到今25冬ah。個性ê緣故，做代誌我較倚杜威（John Dewey）「Learning by doing」ê理路，寫台文mā是按呢生，那寫那學、那學那寫。目標，毋是beh追求啥物功利聲名，是leh想按呢做凡勢才會較久長。 全羅、全漢寫法自本有規範，就無koh講ah。漢羅濫寫，教典目前無規範，因為伊kā羅馬字當做拼音、毋是字；毋過tī民間舞足久ah，書寫ê共識無啥大問題，一寡較幼路ê愛koh磨niâ。 這本冊，和以早相仝，mā是漢羅濫寫；漢字用教典推薦字，羅馬字用台羅；透濫大原則，實詞用漢字、虛詞用羅馬字；一寡冷僻字，照講用羅馬字較四序，現階段會koh考慮其他因素，比論我ê讀者看冊習慣、鋪排形式美學等等。斟酌規晡，三躊躇四躊躇，其實羅馬字賰無幾字；毋過一下看，就知影是台文，按呢kah華文就好分別。定定leh講，咱台文愛有獨立ê個性才會久長、才bē hōo華文食掉去。 簡化、好讀、好記，是思考ê大方向。所致，tī漢羅情境裡，原則上輕聲符（--）就無標，較bē字句看起來散iā-iā又koh lò-lò長，唸讀koh會斷氣。我kā當做一般變調處理，唸家己變；其實大多數看前後文就會當分別，除非會誤解ê，比如「後日去揣你」這句，是「後日／āu-ji̍t」抑「後--日／āu--ji̍t」，無標意思就會重耽；koh一款狀況是，beh刁工強調字句ê氣口。 外來語部分，目前官方kah民間攏有共識，無慣用漢字ê，羅馬字是「回推本調」來寫；我mā照按呢行，只不過，我kā看做專有名詞，頭字母大寫，按呢較好認捌。翻譯，kah這有牽連，毋過傷專業，哈，我完全毋敢出喙。 上尾，講合音字，這較費氣，目前教典無處理。毋過一般生活日常蓋捷用，早慢定著愛發落，走bē去。這馬ê勢面，我kōo非專業ê目睭普普kā看，合音結果是單音詞ê，寫實唸音（唸啥寫啥），比如「hông／hōo-lâng」；複音詞ê，回推本調，比如「phàng-kènn／phah-m̄-kènn」；我想beh揣看有一个通則無，毋過誠頇顢，sa無摠頭。 這款字，無對應漢字，教典是會當揣一个好記好讀ê來鬥，hōo無beh用羅馬字ê人好利用；順紲kā遐ê圖像字做伙改掉，字源無遐重要，一个符號niâ，電腦拍會出來上重要；koh再講，足濟字源攏是家己leh烏白切。 按呢，字符漢羅攏有，年久月深，慢慢就互相有連結，bē曉台語ê人，看久mā捌；使用者mā加誠利便，尤其做美工鋪排，就加一个選擇；按怎濫寫在人，橫直有標準字好對照。反對羅馬字抑是漢字，有影無必要，彼攏是一个符號niâ；漢羅攏有字符顛倒是咱台文ê優勢，表達空間變較大，koh會當處理仝音字kah腔口差。 毋過，若有寫台文經驗ê人攏知，尾仔beh真正寫全漢字是有困難，kan-na一寡擬聲字你就鬥bē了；koh有遐ê冷僻字，oh寫，寫出來人mā歹讀，因為專業級認證ê人無遐濟。字詞無人用，較按怎端的，攏是死ê標本；久來，自然會行來漢羅濫寫這條路。 漢羅濫寫ê理路，是kā音符轉化做字符使用。目前若照咱台語ê羅馬拼音，調符、連字符、輕聲符，koh加一般標點符號，感覺有較複雜，一般人kan-na變調著愛舞足久才會理解；規則內面koh有例外，若koh牽磕著較幼路ê輕聲變調，定著會痟去。所以，音符轉化做字符，有一寡物件應當會使koh再簡化，免原封不動搬徙過來；字符一致就好，唸讀隨人ê腔口，除非你這篇文抑是字詞beh強調你ê腔口，才寫無仝ê字符。一套一致、好讀好記、緊熟手ê書寫系統，現階段真重要；一般台文人無一定攏愛做語言專家。 咱教典掠音mā掠優勢腔，可見掠字符mā按呢行較妥當。當然，有一好就無兩好，字符一致化過程，特殊腔口慢慢自然會無去；毋過現此時，我較要意ê是，台語愛先活落來。透濫，自本一寡物件會無去；毋過，一寡新ê物件mā會走出來。語文kah性命，本底攏按呢。生生死死、死死生生，一个輪迴。咱台語beh走揣ê是，這款永續、輪迴ê節奏。 大環境來講，咱這馬上欠缺ê是官方體制內面一个專職單位──台語委員會之類ê，來做整合ê平台，處理一致化、辭庫、工具、人才培養、研究、通譯等等事工；定著mā愛kah客委會、原委會仝級，按呢leh紡ê時才會正常、bē窮分。語族和諧，mā是重要任務。 咱台語前輩林俊育長老，我看伊mā有leh思考白話字簡化、改革ê問題，「外國人講咱白話字看起來哪會全全符號？」所以伊主張提掉連字符。語言、文字攏是活ê，無彼lō bē改得ê；和咱現此時ê喙舌、目睭鬥搭，才是正範。 伊思考ê方向我真認同；提掉連字符，我認為mā是會通；毋過目前我保留有寫，凡勢後擺外來語會當先提掉來絞看覓；台語若顧hōo莫死，心放hōo開闊，罔絞罔共識，有專職單位了後，遮ê問題應當攏毋是問題；因為咱民間ê台語活力猶誠飽滇，這將來攏是官方單位ê肥底。 罔行罔想、那寫那學；這是我ê人生態度，也是我ê台文觀。未來若有較明確ê規範，我定著照規範來行；未規範進前我mā綴時勢leh撨摵；這款代無啥好堅持ê，若koh一人一款，台語定著無命。其實執迷，mā毋是攏歹代，咱坎坷ê台語命，會當擋kah這馬未死，就是有一陣執迷ê人，戇戇仔leh拚…… 這，咱攏知，mā感恩在心啦！ 論真，咱人mā是一个符號niâ。Tī時間ê風裡，飄來飄去；有啥人知影伊ê意義？ 凡勢咱家己都毋知。 註解： 啖：tam，淺嚐。 透濫：thàu-lām，混雜。 端的：tuan-tiah，道地。 滇：tīnn，飽滿。 撨摵：tshiâu-tshi̍k，斟酌、調整。 ──2025/7/30 |
|
| ( 創作｜詩詞 ) |
