#新冊檔案
書名：來去小琉球
作者：陳胤
文類：台語現代詩
美術設計：Tânīn
規格：120*180mm
封皮：象牙紙220g
內頁：畫刊紙120g*190頁
扉頁：牛皮紙120g
出版：柳河文化工作室
定價：NT$ 250
生日：2026/4/23

#詩集簡介
＜誰不是孤島？＞

關於島，你的想像是什麼呢？被海洋擁抱的溫暖與夢幻，還是遺世獨立的孤單與寂寞？不捨晝夜的浪濤聲，或許能慢慢給你答案吧。

小小的小琉球，真的小，面積才6.8平方公里，機車環島約30分就繞完一圈。這是我第一次來。新的處女地，寫幾首詩是必然的紀念，只是沒想到會直接寫成一本詩集。人生充滿意外，跌宕起伏，才是真人生。隨著年紀增長，更能體悟生命的實相；隨遇而安，虔誠看待這世界，看自己身體漸漸衰老，看靈魂漸漸飽滿，變動的面貌才是恆常的狀態。如海浪一波波不斷湧上，如歌如泣，悲歡苦樂、聚散離合，都在那猶疑的一瞬間開成了花，我們能不感恩嗎？

是啊，我感恩的回報，就是詩。給這島一輩子的溫柔與體貼。

這詩集，是台語詩集。應是有史以來小琉球首部台語詩集；哈，現今寫台文，動不動就會破世界紀錄，成為第一或唯一；只是這種紀錄有意義嗎？有的！當然不是什麼壯舉，也不值得張揚驕傲，因為台語瀕危、台文稀缺。它的意義在知其不可為而為之的勇敢與堅持；你知道的，這彷彿在寫自己與自己母語的墓誌銘。我沒有也不敢有什麼偉大使命感，只是，不捨。

不捨之情，自然而然便蜿蜒成河。這詩集，共62首詩，只有5首貼過臉書，其餘未曾發表；也以14篇小散文當成詩的延伸，補足小琉球的面容與情韻。有些故事，不適合禁錮在詩裡，於是溢出，逃竄成文。這也是自然而然發生的新嘗試。那孕動之地，是新興的「琉行之道」；它也成為本詩集中7小輯之一。

其他6輯，分別為：「渡」、「拉美島」、「聽風ê歌」、「一郎聲跡」、「草花形影」、「再會吧！小琉球」。是的！一郎，就是歌星陳一郎。他是東港人，昔日與小琉球是一體的生活圈，算是在地歌星。他的滄桑其實就是小琉球的滄桑，我腦海中那首＜行船人的純情曲＞一節片段，喚醒了我，他與小琉球的連結。

小琉球人常稱台灣為本島，台灣人則稱小琉球為離島。這是刻板印象。若以小琉球為視角，台灣是離島無疑。以前寫過澎湖、綠島與馬祖，喜歡探索島與島之間的意義與樣貌。同樣，這次來，也企圖以詩為支點，用小琉球撐起全世界的想像。

你知道的，在主流美學浪潮中，我的詩經常是座孤島。但每個生命本來都是孤獨的存在，人海茫茫，誰不是孤島？能安於孤獨、享受孤獨，那孤獨便自由而美好。

小琉球冬季溫暖舒適，海闊天空；每朵自在的雲都是邀請，是的，當東北季風吹起，或許我就帶著新生詩集來此，認一認她的前世今生，將那顆漂泊的心再度打上岸……

──2026/3/27

#踏話頭
＜印記＞

Beh清明ah。春天熟kah有賰，四界攏leh燒金燒墓草，有時無細膩就火燒山；煙，敢若蛇，定定烏白湠。

另外一頭，百花開，開kah無臭無潲；芳味tī風裡纓纏，五花十色ê媠，櫼tī咱目箍，滿滿滿。

日子，兩款味；悲喜交集、苦樂相黏，這就是人生。正實人生，無奈人生。

代先beh講明ê是，這本小琉球完完全全是意外；有影無嘐潲，頭擺來，原底是beh罔耍罔寫，哪知詩海水才浸兩三工，就隨出味，一首一首直直發穎。主要因端是，一條小小ê海岸路「琉行之道」所致。

初初看，這款華語擬聲倚音ê齣頭，我實在無路，bē去向望啥物；無疑悟，跤一下踏入去，魂suah隨hōo牽去。啊！氣氛，媠甲。人tī珊瑚石縫軁來軁去，沿路行沿路看海岸樹林ê面模，koh有樹蔭好遮；啊海，不時就走出來kā咱目睭洗身軀；環島公路ê車聲，齊消失去ah，耳空滿滿ê海湧聲。孤一人，勻勻仔行，這款聲嗽毋是幸福，無，是啥？

沿路，koh有一寡唌人注目ê雕塑藝術；鋩角毋是作品本身，是伊ê號名，大部分是媠氣ê台語詞，比如「坐運搬」、「摃海湧」，這兩个若像字花leh，hōo我ê詩不時蟯蟯趖，強beh接載bē牢。運搬，是以早ê柴殼船；摃海湧，就是去hōo海湧摃；彼字摃，摃kah誠心適koh倚意。

彼工行跤花ê時，koh再想起小琉球原住民、拉美人悲慘ê身世，hông屠殺、hông滅族，咱leh用台語寫詩ê彼目nih，定著會去想著拉美話，彼才是小琉球正港ê母語；今，連一絲仔聲跡都無看著影。你知，咱心肝頭足艱苦，無寫寡仔詩，憂悶哪有才調敨放解破？

「無，就來寫一本小琉球試看覓……」這个機緣，hōo我決心。斯當時當leh思考，咱創作形式新ê變竅，就順勢kā小琉球做見本。

這逝小旅行，其實猶有一个因緣，就是阮厝邊廟發作ah；逐冬年底彼跤兜，攏會辦消災法會3工。民間信仰，咱當然尊重；啊毋過，彼lō敢若天地尾日ê噪音kah煙，根本是我ê災難！所以，若毋是烏寒摔大雨，彼幾工我攏會盡量去外口避難，敢若逃亡彼款驚惶。這擺，拄䢢搪著非假日，旅社好訂，就安排來小琉球。

兩三冬前，捌tī枋寮過暝，小琉球tī海ê彼爿，暗時徛tī海岸遠遠看，看伊燈火閃爍，若像下凡天星仝款，hōo咱譀想戇想，無邊無界彼款孤單kah自由，攏化做海湧一重一重，淹入去心肝窟仔；今，角色倒反，我猶原是我，換tī小琉球遠遠看，看台灣ê海岸；奧妙koh新奇，一款講bē出喙ê滋味，敢若攏註好好……

不而過，彼幾工空氣無蓋好，小可霧霧，彼款空思夢想ê遠koh加真遠ah。

因為這站跤無啥四序，本底beh租鐵馬來鬥行，無疑悟，無；Oo-tóo-bái爾。躊躇規晡，mā是kōo步輦鬥公車，按呢心較定著，mā環保；慢慢仔行，斟酌跤ê信號莫硬行，行bē去才擛公車，橫直無趕，mā免趕。

按呢，3工總共大約仔行15-20公里有，差不多盡磅ah。猶誠濟所在未去，跤各樣，小可厭氣；這款跤底神經退化ê症頭大概無醫，莫傷操、加減仔保養，無別步。

上尾日，透早落雨，連鞭細連鞭粗；我刁工穿雨幔koh行去遊客中心ê亭仔跤，看海食早頓。一屑仔幸福都毋甘拍損。了，koh行去中澳沙埔踅一hui；這个角頭號做白沙尾，往過，金色ê沙埔是uì龍蝦洞迵到白沙尾港，今，斷一節ah；我勻勻仔kā跤跡印tī遐，成做相辭ê記號──

再會啦！小琉球……

#註解
櫼：tsinn，擠。
嘐潲：hau-siâu，說謊。
軁：nǹg，鑽入。
唌：siânn，吸引。
蟯蟯趖：ngia̍uh-ngia̍uh-sô，像蟲般蠕動。
見本：kiàn-pún，樣本。
拄䢢：tú-tshiāng，剛好。
步輦：pōo-lián，徒步。
踅：se̍h，轉動。
連鞭：liâm-mi，立刻。
──2026/3/29