註：請擔心我身體的朋友放心

這是2009年的事了

投稿海翁雜誌.....

2011年元月刊登...

病院裡

每一个人跤步的節奏

緊急、生狂

我用慢速的跤步加入

寬寬仔行、逗逗仔等

一禮拜閣一禮拜

一個月閣一個月

檢驗、等待

等待、檢驗

總算等著醫生彼句：無事矣！

一句無事，毋是永久平安的保證

身體的故障，是歲月咧抗議

我認命、承受

上驚彼句．．「你哪會家己行？」

聽著阮會目箍澹

醫生問診時陣按呢問

護士提檢驗單的時陣按呢問

行佇病院長長的走廊、相閃身的人又閣按呢問

毋是堅強免人伴

毋是倔強愛孤單

人生的無奈講袂煞

請你毋通問．．

彼个慢慢仔行

孤單的身影