kieiionna TT. *菜菜子* 朵荷 小禾 霧半兩 筱棻 虎尾許居士 Ywen AShing
more...
囡仔參我佇樓梯相閃身,雄雄停跤斡頭講:「媽~你足成阿媽的!」
是啊,我外表成阿母、性地成阿爸,兩人攏無共怹失禮著。
應伊講:「逐家攏嘛按呢講,你即馬才知我生做像阿媽!」
伊應講:「毋是生做成...是有阿媽的老款矣!」
... ... ...
落來樓跤洗衫,想講..
我是底時開始老?我的青春底時偷偷仔綴人走?
敢會是洗衫的時,唯水道頭走去臭水溝?
敢會是煮飯的時,綴油煙飛去天神兜?
敢會是掃塗跤的時,無細膩順煞掃落下佇畚斗?
.... .... ....
誰知、我的青春當時走??
青春永遠留在美滿的心
會問這個問題,表示猶佇青春的尾溜,青春佇時走,四十五歲彼年我就紡見。青春佇時走,青春是啥乜,青春毋是白髲、皺痕、衰弱纏身。是心接受老的事實,自覺非少年 。青春佇時走,身殼參心神附踮青春,身殼會退化 心神百歲未臭老。
居士是老起來囥.....
二十年後,猶是白髮紅顏...
我的青春........
是白頭鬃伊趕走
我只好用染料
來...
瞞別人
騙家己
歌聲唱出來,青春走無遠
你是永遠袂老的〔靚女〕
青春攏送乎寶貝囝,所以,青春欲走兜在依去~
又擱看兜俚,金歡喜.
青春欲走在伊去...讚!
多謝你!
一直想 青春像鳥隻不回頭....
原來 青春有茲濟路 溜走去....
你的青春用啥乜方式走無去?