字體：小 中 大 |
|
|
|
| 2022/10/27 14:23:33瀏覽100｜回應0｜推薦0 | |
2020.08.30寫
旅行筆記（台文） 我較晏加入愛無礙協會，袂赴有一領怹的隊衫。
今年手搖車活動
對天氣寒冷的三月初，到天氣炎熱的夏天。
熱天開始
每一遍活動，我攏穿這領通風閣吸汗短衫仔。
本來是茄仔色
日頭曝甲變淺色。
ká手搖車的心情
嘛對干但好耍
轉成做家己是咧行［聖雅各天堂的路］的幻想
當然兩項袂比得
但是旅途當中
總會想起行過聖雅各路的人講過的意境
旅行作家謝哲青捌講過一段經驗
去行聖雅各的時
前幾日行甲跤膨疱
後來伊得著一台鐵馬仔
想講用行的遮辛苦
有這台鐵馬仔應該會加誠四序
想袂到後來欲行的
是盤山過領的路段
無適合騎鐵馬仔
這台鐵馬仔煞成做一種負擔
真濟去行過聖雅各的路的人攏講
：咱人其實需要的無濟
這句話深深刻佇我內心
今年手搖車活動佇今仔日結束
對新營ká轉來到斗南
天公伯代先送阮一粒曝著會疼的大日頭
後來閣送一陣予阮袂赴走閃的西北雨
做阮的畢業禮物。
若像人生，有時風、有時雨，有時好天氣，啥乜風景都有可能
捌佇朋友的面冊看著這句話：塵土是征戰的痕跡
啊若這領褪色的衫，是我參與征戰的記持。
我歡喜
這段手搖車的旅行
豐富我的生命
感謝愛無礙舉辦這个活動
感謝每一遍陪騎的志工
感謝工作人員
佇阮出門進前、佮轉來了後
整理手搖車的辛苦
著感謝的人太濟
只好提作家陳之藩一篇文章內底所講的：謝天！
～～～～～ ～～～ ～～～～～
旅行筆記（華文）
我較慢加入愛無礙協會，來不及擁有一件他們的隊服。
今年手搖車活動
從天氣寒冷的三月初，到天氣炎熱的夏天。
夏天開始
每一次活動，我都穿這件通氣且吸汗的上衣。
本來是紫色
太陽曬到變淺紫。
搖手搖車的心情
也對純碎好玩
轉變成是自己在走［聖雅各天堂之路］的幻想。
誠然，兩者無法相比擬
但旅徐中
總會想起走過聖雅各之路的人講過的意境
旅行作家謝哲青曾分享過一段經驗
走聖雅各之路的時候
前幾天走到腳起水泡
後來他得到一台腳踏車
說說用走的這麼辛苦
有了這台腳踏車應該更加舒適
想不到後來要走的
是翻山越嶺的路段
不適合騎車
腳踏車竟變成一種負擔
很多走過聖雅各之路的人都說
：其實我們所需的並不多。
這句話深深烙印在我心
今年手搖車活動在今天結束
從新營回到斗南
老天爺先是送給我們一顆曬疼人的大太陽
後來又送來一陣走避不及的西北雨
做為我們的畢業禮物
宛若人生，有時風、有時雨，有時好天氣。什麼風景都可能。
曾在朋友臉書看到這句話：塵土是征戰的痕跡
那麼這件褪色的衣服，是我參與征戰的記憶。
很高興
這段手搖車之旅
讓我生命更豐富。
感謝愛無礙舉辦這個活動
感謝每一次陪騎的志工
感謝工作人員
在我們行程前、後
整理、保養手搖車的辛苦
得感謝的人太多
只好拿作家陳之藩一篇文章所說的：謝天！
|
|
| ( 心情隨筆｜心靈 ) |
