Kin-á-jit guá ka tī tsi̍t ê lâng siōng Tâi-Pak khì tsham ka kok-tsè tsì-kang ê bīn-tshì. Tì Poo-Lí puânn-tshia (tsē Kok-Kong-Hō) kàu Tâi-Pak kìng-jiân ái 4 tiám guā tsing, si̍t-tsài sī kái bô sóng-khuài. Kàu Tâi-Pak ê sî, guân pún siūnn beh khì Ke-Lâng tǹg-ìn-á (319+, sī tsi̍t tsiòng ua̍h-tāng), m̄-koh kì-jiân bô sî kan , tio̍h tsí-hó suah-suah-khì lah. Bé-āu guá kuat tīng khì Bān-Kuàn-Lâu (tsi̍t-king tsheh-tiàm) bué tsheh, bué hó ti̍t-tsiap khì bīn-tshì, sî-kan mā tū-á-hó.

Bīn-tshì ê tê-bo̍k sǹg kán-tan, m̄ kò ta̍k-ê-lâng lóng kóng tsin-hó, kán-ná khì thiann kòo-sū leh. Guá hi-bāng guá ē-tàng khó-kuè, àn-ne guá tio̍h ē-tàng khì Hui-Lu̍t-Pin ho̍k-bū a. Í-tsá gún a-kong siàu-liân ê sî tio̍h-sī khì kàu hia tsò-ping leh. Sui-jiân kin-à-jit ê Tâi-Pak lo̍h-hōo ta̍p-tit, m̄ koh guá kám-kak mā sī tsin hó sńg leh. Tâi-Pak tsin lāu-jia̍t, liân lo̍h hōo mā kái tsuē lâng ê. Guá kin-á mā tsia̍h tsin tsuē mí-kiānn, pak-tóo siūnn tiùnn à lah.