佮阿公阿媽相約束~~

一月日一擺佮{萬里仁愛之家}阿公阿媽相約束~~

唸歌.跳舞.開講.歕樂器.....

時間過得誠快.已經一年囉!!

塗觱仔班佇老師tshuā路之下.歕出四.五十年代流行的歌曲

望春風.快樂的出帆.雨夜花.安平追想曲.祈禱........等

~~~沓沓仔來一條紲一條.毋但誠好聽閣優雅.~~~

有一个阿公大頭拇攑懸懸一直喝：「讚！讚！讚！」大聲拍噗仔呵咾甲會觸舌.所有的阿公阿媽心情親像坐渡船咧享受，

規个人輕鬆快樂起來....這就是阮今仔日上歡喜的代誌.

「好酒沉甕底」愈晚愈精彩~~~~~一陣少年的讀冊囡仔跳原住民的舞蹈.青春美妙....予人看甲笑咍咍.....

閣有一个歕『薩克斯風』的老師.干焦一个人表演爾爾.實在有夠 gâu

~~~好聽的音樂會趕走人的憂愁，減輕人滿腹的鬱悶~~~

***閩南語文***