萬里海邊的景緻，懸懸看過去平靜無波，毋閣長期生活佇(仁愛之家)的阿公阿嬤，嘸親嘸晟，身體欠安行動無便利，誠需要人e關心。

今阿日雙十節國慶佳期，誠濟原助民的少年學生去表演唸歌佮跳舞---基隆社區大學"塗觱班"老師麻tshua(帶)同學去歕"塗觱仔"一條紲一條好聽的老歌~快樂的出航~雨夜花~望春風~愛的真諦----攏無冷場，雖然時間淡薄仔趕-----看著阿公阿嬤笑咍咍的面容，予大家感覺足安慰。

 每一个人攏會老，臺灣已經是老人較濟的社會，照顧老大人毋但是政府的代誌，向望少年囡仔一定愛"敬老尊賢"，通好予老大人"安養天年"。

 最後佇(小蘋果)韻律鬧熱滾滾的樂聲中跤搖手動，依依不捨舉手講~再會囉…有歌聲有舞蹈加上愛心滿滿的舉動，就是尚好的104國慶慶祝方式啦~~~