字體：小 中 大 |
|
|
|
| 2011/05/27 18:36:59瀏覽672｜回應3｜推薦14 | |
| 不曉得有多少台灣人看得懂這篇文章，請大家留言一下看看是否看得懂？ 台長資質駑頓，無法參悟這由不同文字夾雜的語文，如果說這是台語的文字，那不是很奇怪的一件事嗎？想想看，絕大多數會說台語的人無法讀、寫這文字，是不是文盲呢？ 你可以說國民黨鴨霸用北京話和繁體國文字來鉗制語言，但這是統一對外的正式語言與文字，如果沒有統一的對外語言與文字，怎麼對外溝通，現在是民主時代，如果對這個代表官方的語言與文字不爽，大可修改，沒有必要用這當理由罵人吧！當你的語言與文字不為大多數的人認同，怎麼可能當做一個國家的代表，連自己的人民都看不懂的文字拿來當官方文字？ 當然台長不是看到這種文字就反，至少你要讓大家都能聽說讀寫，外國人也可以輕易翻譯，大家可以投票表決的時候，才有意義嘛～ 不然，你念念看「賓拉登」，或是用台語文寫看看！ 感嘆一個台灣作家良心ê 死--抗議黃春明演講ê 頭尾kap 公開聲明[台文版] 蔣為文/成大台文系 文訊雜誌社kap 趨勢教育基金會等單位tī 2011 年5 月24 號tiàm 台南ê 國立台灣文學館舉辦百年小說研討會。大會邀請作家黃春明先生做專題演講，題目是「台語文書寫與教育的商榷」。頭起先看著宣傳ê 時，iáu koh teh 質疑大會敢有hutm̄-tio̍h，黃春明並m̄是台語文專家，因何會請伊講這个題目？想袂到伊有影來台語作家大本營ê 台南，而且就是講這个題目。2011.5.25 雖bóng 進前就有流傳伊對台語文教育有chiâⁿ 負面ê 意見，m̄-koh iah 是抱著好奇、想beh 進一步了解ê 心態報名出席這个研討會。想袂到伊ê 演講真正充滿偏見、扭曲事實ê 內容。伊一開始就以充滿負面ê「閩南語」、「方言」來稱呼台語，koh 以「中國人」來自稱。他the̍h 台灣過端午節做例，表示台灣中國是同文同種，無應該kó͘-chhui 一pêng 一國。其實，越南hām 韓國mā 有端午節，kám 講越南kap 韓國lóng ài 變成中國？關係台語教育，伊tī 演講tang 中坦白家己看無國小台語文課本。伊無檢討家己是台語青瞑牛，soah 怪罪台語課，認為本土語言課會增加學生ê 負擔。請問，若是美國總統Obama 無去讀冊，伊敢會曉讀寫英文？ 平常時會曉講台語，若是m̄學，當然就看無台語文！M̄-nā án-ne，伊koh 批評台語kan-taⁿ 有口語，無書面語。其實，tī 黃春明iáu 袂出世ê 1885 年，就已經有用台語羅馬字書寫ê《台灣府城教會報》報紙出現，這个報紙刊行袂chió ê 台語白話小說。甚至，1926 年鄭溪泮mā 出版長篇台語小說《出死線》。借問--chi̍t-ê，黃春明kám 知影？主辦單位kám 知影？台灣百年小說研討會為siáⁿ-mih thiau-kang漏kau 台灣母語小說！？ 演講到大約40 分鐘ê 時陣，黃春明lú 講lú 激動，koh 直接點名批判台語文前輩鄭良偉教授kap 洪惟仁教授，而且批評台語文書寫是「不倫不類」。這時，m̄-nā是我，只要是有良心、有血性ê 台灣人攏會tòng 袂tiâu！自án-ne，阮tī 原底ê座位kā 海報gia̍h koân tiām-tiām 抗議。海報分別是用台語kap 華語書寫：「Tâi-oânchok-ka ài iōng Tâi-oân-gí chhòng-chok!」、「台灣作家不用台灣語文，卻用中國語創作，可恥！」以及「用殖民者的語言華語創作才須商榷！」。阮無搶黃春明êmài-khuh，mā 無阻礙伊發言。M̄-koh 伊soah siak mài-khuh，衝tùi 我這pêng 來，ná-chúnbeh 拍我ê 款。Siâng-sî kúi 个穿紅衫ê 工作人員mā chiⁿ oá 來beh 搶阮 ê 海報koh kā阮趕。 我心內感覺hiâu 疑：為siáⁿ-mi̍h 伊ē-sái 點名侮辱別人，soah 無法度容允別人對伊ê 恬靜抗議？所以我tō 發言kā 伊抗議，質疑伊憑siáⁿ-mih 批評台語文運動者追求母語文學kap 教育ê phah-piàⁿ！ 抗議大約十分鐘了後，阮kā 海報收起來，hō͘黃春明繼續演講。想袂到，伊iáu 是ná 講ná 罵。所以我koh 一擺gia̍h 海報抗議！伊soah 歹喙，用北京話罵「操你媽的B」而且比中指kā 阮侮辱。自án-ne 阮toh 退席抗議！ 原本這个研討會tī 網路有全程ê 實況轉播kap 錄影，想袂到會後這場錄影soahtùi 網站頂頭提掉。而且，網站頂頭黃春明ê 專題演講題目mā hông 改做「請讀一頁小說」。我m̄ 知影負責執行ê 文訊雜誌社kap 趨勢教育基金會kám是teh am-khàmsiáⁿ-mih 無ài hō͘人知ê 祕密？ 本人tī chia 慎重呼籲kap 要求： 第一：文訊雜誌社kap 趨勢教育基金會ài 解釋為siáⁿ-mih 改講題，mā ài 公布當天ê 錄影資料thang-hó chhoē-chhut 真相，poé 清網路頂面對本人無實在ê 謠傳kap 指控！ 第二：黃春明ài 就「不倫不類」等侮辱台語文ê 言語，公開向鄭良偉教授、洪惟仁教授以及所有台語文作家kap 工作者hoē 失禮！ 第三：假使黃春明認為台文界對伊有誤解，歡迎kap 本人蔣為文公開辯論，接受社會大眾ê 評議！ |
|
| ( 時事評論｜教育文化 ) |
