主打是台語﹙黑﹚，國語﹙褐﹚為穿叉或作註解

提示：閱讀之眉角適宜逐字逐音細讀

＊這一天從鬧鐘「鈴…」聲響起時開啟：

「好起來啊啦！還擱滴挪挪嗦，昨晚歸瞑乎你吵尬，單單聽你拍鼓吹狗擂﹙形容打鼾﹚，豬哥爛﹙口水﹚潺潺流，咀仔嘻嘻揑呢﹙很快﹚又擱嘟圓圓，彼形袂輸若甲人滴燒親，知知咧啦！穩是夢惦桃花窟內底，爽作你爽、嘛愛選對時拵，嘸通害人也追你歸瞑攏袂睏…小閃卡邊仔咧啦，一欉假若青仔欉無生目睭是否？也袂曉看人即要換床巾，你看！真足﹙仔細﹚小看覓，你睏的這圈位不是爛就是汗，有夠懶爛ㄟ，作的夢攏是一掛有的無的，充蝦米家己心內有數，人在講”日有所思，夜有所夢”確實有影，親像你這款人猴變鬼變怪，抓準人攏嘸知，為非慘作有一工等你鼻﹙嗅﹚ㄟ粉味變狐臭，閃落閃袂離時，倒返來四家討救兵才無人要睬你，時到您祖嬤看你滿面全豆灰，續摻落拍噗仔﹙鼓掌﹚大大甲你恭喜：恭喜你喔！恭喜你現世隨報應，後出世才嘸免來托屎連…」

＊正在用早點當中，她從洗手間裡出來：

「真正夭壽尬，比囝仔人卡慘要死，放屎尿後也袂曉馬桶冲卡清氣，留一塊屎尾準備你家己要哮咕是否？有夠無衛生有影。你看啦，叫你擠齒膏要先對尾溜，你偏偏對中央，蝦米代誌攏愛甲阮來作對頭，你若要按呢，會使﹙可以﹚喔！從今仔日開始一人一國，你用外口這間，我用臥室彼間，清嘛要你家己去清，您祖嬤才無要睬你彼坐﹙多﹚。…哇！你生目睭看覓，這袸幾點ㄚ？袂赴ㄟ上班乎公司扣錢無阮的代誌喔！薪水袋仔你負責袂使甲我減一仙五令，嘜時到擱甲我惦ㄟ咿喔唏嗦﹙打混帳之意﹚，話先講惦頭前提醒你…有影食甲大梧人ㄚ亦若囝仔哩！有夠歹授教。」

＊上班時間當中，接到她的電話：

「講甲你彼個寶貝仔子，適才﹙ㄉㄨ ㄐㄧㄚ﹚學校班導的打電話來，講伊甲同窗的寃家相打，將人的書包硬甲扯﹙ㄘㄨㄚˋ﹚斷，我等下要去學校一撾﹙ㄓㄨㄚ﹚，人滴帶屎衰就親像按呢，乎你這兩ㄟ爸仔子氣甲，一人比一人擱卡呣晟樣，害咱一個人若打矸露﹙陀螺﹚，嘸知要歹命到在宕時？拜託！小乎阮孤晟﹙請託之意﹚一下好否？返來好好仔甲教示，嘸通放小漢呣晟樣大漢放火宰人，做老爸嘛要自覺有做老爸的責任。…你充啥？我講的話你有在聽無？啼歸半晡無甲咱應甲一句，你到底是蝦米意思？…」

＊入夜，在床上——那個那個…

「一隻若牛咧！無人像你精神這好、精力充沛一偎到就要作陣，你若將心思用滴想辦法按怎去賺錢，恍說﹙唸ㄕㄨㄟˋ，說不定﹚我甲你捧若祖公。哎呀！卡輕ㄚ下啦！乎你壓﹙ㄉㄟˋ﹚甲強要袂喘氣，你有將人當作人看待否？壓死阮你通擱去娶幼齒ㄟ否？續嘸知你心內蝦米企圖，免肖想，我會活甲好好乎你看。…哇！想著啊！半瞑不淮你擱再吽吽叫喔，擱吽就甲你咀塞起來，啐！郎碰短命的愛人駡。」