字體：小 中 大 |
|
|
|
| 2011/12/19 08:53:04瀏覽701｜回應7｜推薦78 | |
《露水的緣》 講露水的緣叫做一夜情 日頭若出看袂著影甲形 上親蜜的苟合卻放水去 隴嘸知情字到底是啥米 ＊ ＊ ＊ 惦惦地鬱卒我啜一口酒 辣嗆的感覺目眉結鬼球 想伊的形影記著惦底心 怨彼當時袂曉請問芳名 ＊ ＊ ＊ 今暝擱來這想要找伊人 眈甲脫窗猶原乎阮失望 四肢召無力意志來消沉 這份無算緣有意變絕情 《母子心連心》 歪頭看著母仔伊憂頭擱結面 離別的傷心無法度表達著盡 就飛龍機頂目屎猶原叩叩輪 一飛冲天才知將心連心的紗 洶洶鬼捆扯開卻愈牽愈寸斷 扶面啼泣引滿座的人探頭巡 ＊ ＊ ＊ 惦國外過孤鳥的日子幾多年 一心攻讀博士學位倍盡用心 如今喜從人願學成將要來返 即要食著母仔伊親手炒米粉 豆菜蒜蓉香摻著滿滿的親情 引歸心似箭心臟卜卜跴袂停 ＊ ＊ ＊ 踏入莊內炮仔聲四過響不盡 鄉親恭賀熱情的歡喜寫歸面 母仔請你坐大位受孩兒三叩 感恩的話無法度表達於萬一 總摁望從今以後盡心甲盡力 貢獻所學服務鄉里光耀門楣
|
|
| ( 創作｜詩詞 ) |
