字體：小 中 大 |
|
|
|
| 2016/08/13 09:23:36瀏覽601｜回應3｜推薦20 | |
蕃薯仔 許其正 蕃薯仔，蕃薯仔… 大家攏嘛叫伊蕃薯仔 他嘛自己講伊是蕃薯仔 一直，一直，一直以來 已經七十幾冬了 我到現在攏嘛會記得，伊 身材比中等卡矮一點阿，卡胖一點阿，做人真趣味 伊種蕃薯，伊吃蕃薯 開嘴蕃薯，合嘴也蕃薯 所以彼陣大家攏嘛叫伊蕃薯仔 伊嘛自己講伊是蕃薯仔 伊種蕃薯 用伊的血汗，用伊的骨肉，用伊的心 把伊的血汗伊的骨肉伊的心，種入土地內 予蕃薯含有伊的血汗伊的骨肉伊的心 一直，一直，一直以來 伊吃伊種的蕃薯 伊吃伊的血汗，伊吃伊的骨肉，伊吃伊的心 伊內底就有蕃薯的血汗蕃薯的骨肉蕃薯的心… 日子一直過去 已經七十幾冬了 日子還是一直過去 我還記得伊 有時伊也會出現在我的眠夢中 大家攏叫伊蕃薯仔 伊嘛自己講伊是蕃薯仔 伊種蕃薯 伊吃蕃薯 伊用伊的血汗用伊的骨肉用伊的心，種蕃薯 伊吃伊種的蕃薯裡，伊的血汗伊的骨肉伊的心 伊嘛像蕃薯，同款企在這塊土地上 惦惦生長，惦惦過日子 其實伊自小漢就予人叫做蕃薯仔 其實伊嘛自己講伊是蕃薯仔 其實伊住的所在本來就是一條蕃薯 其實伊本來就是一個蕃薯仔 伊講的話攏嘛帶著濃濃的蕃薯腔 伊身上嘛帶著香香的蕃薯氣味 也像蕃薯，惦惦生長，惦惦過日子 |
|
| ( 創作｜詩詞 ) |
