阮兜的阿姨

媽媽有三個小妹,參媽媽同款攏真樂天、愛講笑,無蓋好笑的笑話嘛會使予怹笑真久,若是有新加入的人到位,怹會要求唯頭擱再講一遍,笑聲保證袂打折,而且怹的笑聲真有感染力,有一擺佮阿姨去看笑詼電影,規戲園攏笑煞了後,阿姨又擱開始笑,結果規場又擱笑甲強欲反過,這款情形佇彼齣電影中間,出現幾偌遍。

有一擺為親人辦喪事,守靈的時陣阿姨又擱一直講往生者趣味的代誌,免不了笑聲不斷,驚厝邊隔壁感覺疑問,阿姨講:回歸西方淨土,應該歡喜才對,結果火化真正燒出舍利花,逐家攏真歡喜,對念佛嘛擱較有信心。