字體:小 中 大 | |
|
|
2011/03/23 01:17:34瀏覽488|回應1|推薦38 | |
反省 這遍日本東北發生九級的大地動,續落去大海漲佮核災,會使講世紀的大災難,全世界攏替怹毋甘佮祈福,救災的隊伍、物資參資金嘛一直到位,毋過東京都知事石原慎太郎接受日本媒體訪問,對這遍震災的想法的時陣,講:「日本人的自體意識傷過偏重自我,凡事攏以私慾為主,透過這遍大海漲沖洗執著,我感覺無定是所謂的天譴。」他的「天譴說」激怒了袂少的日本民眾。 日本宮城縣東北部的漁港氣仙沼市因為出產魚翅真出名。魚翅是鯊魚鰭內面一種幼絲形的軟骨,雖然貴蔘蔘,但是真無環保的一種食材,人類大量食用魚翅,使得全世界鯊魚面臨滅絕的危機,其中氣仙沼市的捕鯊量大約佔全日本的百分之九十。漁民殘殺鯊魚,魚血流入大海,海水攏變紅色的畫面,引起世界性的環保團體不滿,相信這个消息佇電視、網路攏有地看。 氣仙沼市這遍受大海漲攻擊,災情比其他海濱的城市擱較慘重,其他的偎海城市干但做水,氣仙沼市煞因為漁船所用的油槽予海湧捲倒引發大火,市內擱攏是木造的厝較濟,所以全市陷入火海,若像是災難電影的驚人場面。 過度捕殺鯊魚殺業真重,石原慎太郎講地動是天譴,大海漲會當沖洗日本人的私慾、罪過,就氣仙沼市來講,其實嘛有道理,只不過即馬抑擱食袂飽、睏袂燒、揣無親人的災民,一時聽著感覺真殘忍,現階段嘛抑擱真歹接受。 有一個朋友的囝仔診斷出病情無可能改善,問我講:「是毋是開佇山頂的餐廳趁傷雄?」反省是一種高貴的美德,無始劫以來逐家攏毋知犯過偌濟的罪業,通五百世的阿羅漢,想著過去捌墜無間地獄,抑擱會驚惶流血汗,只要虔心悔改,總是有重生的一工,但是人類若是靠勢科技的傲慢,毋知佇大自然的面頭前謙卑、反省,難保當時會發生擱較大的災難。 |
|
( 創作|散文 ) |