面對生死

有一冬,阿東做班長,有一冬,四個同學做伙去東海岸健行,有一冬,佇怹姊姊的舞蹈社開同窗會,有一冬,收著伊祝新年的簡訊,有一冬聽講伊予公司調去中國,今年,伊的肝指數攑到兩千,一個月內瘦八公斤,送轉來高雄榮總。

熱心的同學發動全班為阿東祈福,無論是基督徒、天主教、佛教、道教,集體虔心祈求,回向予阿東。

病院發出病危通知,阿東揣慈濟師姐,按算欲捐出大體，敢是善念感召善因緣,抑是親友、同學的虔誠祈求得到回應,師姐介紹中醫師開一帖藥方,肝指數落到一百,但是病情同款有可能一夕數變,最少暫時毋免看著白髮人送黑髮人的哀悽場面,同學轉述阿東講:一定欲參加後一次的同窗會。