字體:小 中 大 | |
|
|
2007/05/17 23:39:42瀏覽561|回應4|推薦5 | |
畚箕湖之戀 畚箕湖參一擺算是第5擺,第1擺真早來過,是半路佇遮停睏,第2擺參牽手兩個後生來刷國民旅遊卡渡假蹛一暝,旅館有人帶阮去行森林步道,也深深愛著即個所在。此後紹介帶領助念團來第3擺,帶領辦公廳志工來第4擺,佮即擺帶領台文學會來第5擺,對遮樸素的嫷,特別喜愛。我咧想,有一工心情鬱悴,萬不二離家出走,第一站一定先來遮宓夆揣無。 昨日,看33寫遊賞畚箕湖的記事,看著「我好朋友常文講:誠好耍,毋拘袂閣來矣。…我了解伊的心情,因為我嘛是按呢想。…這人生,毋通有傷濟的欲望,來過矣,就算完滿!」煞有滿懷的鬱悶! 我毋知常文是按怎想,是伊佇遐予跋彼倒歹勢轉受氣,則會未愛擱來!或者是像33所講的按呢?我無欲去臆,毋過有一寡感慨,一個好所在未擱吸引人擱來,伊並毋是好所在,我的感嘆鬱悶真可能是替畚箕湖感覺委曲不平吧! 來畚箕湖,感覺伊親像一個蹛佇山內的小姑娘,無抹粉就有夠嫷的嫷,我行入伊的心房,兩人糖甘蜜甜有講有笑,我煞參伊戀愛啦! |
|
( 心情隨筆|雜記 ) |