芙蓉樓送辛漸  王昌齡

寒雨連江夜入吳，平明送客楚山孤。

洛陽親友如相問，一片冰心在玉壺。

昨暝秋寒綿綿的雨水，親像魚網仔崁佇鎮江的湖面上，我陪汝來到這。

天光的時陣，我佇芙蓉樓送汝離開，一時仔囝，遠遠的山路裡，就看無著汝的形影，干礁偆我一個人，參懸懸懸的楚山共款，赫呢仔孤單徛踮遐，看著煙霧中的江水，一湧一湧一直流向前去。

汝若到了洛陽，拄著城內的親友問我近況是按怎。

請幫我講：我的心靈，像玉壺內底的冰水相像，赫爾清明、純潔，無雜想。

註：旁聽馬一琪老師「傳唱唐詩宋詞」的課，敬佩伊用心為漢語詩詞吟唱來弘揚。