人生是意外的粒積

人生假使會當規劃，學習台文是一層意外的代誌，寫台文嘛是仙想嘛想未到的代誌，2005年得著海翁台語文學獎更加是意外中上意外的代誌。

細漢時陣並無特別的志氣，毋捌想過大漢欲做啥乜大人物，欲做啥乜款偌大的事業，只有隨著因緣的排比。初中畢業來法院做工友，一路行到這久，扣掉做兵，算算咧嘛有36年，尾仔這六、七冬閣會當盡力為民服務，更加是人生上蓋有意義、上蓋有價值的日子，毋過，真想明年退休享受清閒的日子。

人生的大通路，好朋友並無濟，佮汝熟似足歡喜，真值著珍惜數念。今年我閣得著一個意外的驚喜，所以特別揀著一個好日子請客，表達感激恁濟年來對我的牽教、愛護，請甭棄嫌，予我「真有面子」，予我有這個機會，當面說出這項意外的驚喜，同齊分享我這分光榮。