望月懷遠---- 張九齡

海上生明月，天涯共此時，

情人怨遙夜，竟夕起相思，

 滅燭憐光滿，披衣覺露滋， 

不堪盈手贈，還寢夢佳期。

《台文譯寫》 

闊莽莽的海面上，浮出一粒圓滾滾的月娘，

想著遠在天邊的你，應當參我共款欣賞著即呢嫷的月光。

惜情、重情的人怨嘆暝頭長，思念的情緒煞規暗咧滾絞，較睏也是睏未去！

將蠟燭火歕化，毋甘光映映月光孤單照著規四界，

披著外衫踏出戶碇外，

恬恬仔看著天頂的月娘陪伴伊，徛了足久，

才發覺衫攏予露水凍澹濕去。

誠可惜，我無法度搿著這粒即呢嫷的月娘送予你，

只好倒轉來房間底，希望佇眠夢中參你相見，

講出我對你的思念。

（2007.08.05.）