字體:小 中 大 | |
|
|
2007/06/23 21:43:26瀏覽1110|回應0|推薦3 | |
媽 宮 斗六市新興宮為媽祖編寫聖歌,作為「斗六媽」的主題曲,予善男信女會當傳唱媽祖的慈悲佮心中的敬仰;主委盧元山徵求音樂專家協助譜曲,以及主唱媽祖聖歌的歌手。
歌詞是:「斗六東市媽祖間,媽祖慈悲情,祈求聖母來相挺,眾生事業興。自由自在心真清,快樂過一生。」媽祖間的「間」敢正確?是毋是愛「媽祖宮」,有必要閣斟酌稽考。
宮佮間念起來攏共款「king1」的音,十五音是「經一求」,共音的有三跤「弓」、懸低「肩」、口「供」、正「經」、「芎」蕉、「弓」衫、變「更」…等。
澎湖馬公在地人叫馬公猶是叫「媽宮」,馬公號名進前因為天后宮佇遐,地名人人攏叫「媽祖宮」或者「媽宮」。文字化是嘛是按呢寫。北港媽祖廟在地人叫「媽祖king」,
念「king」的口語,像過宮星(流星),宮廟、宮公(廟祝)、拍入冷宮、水晶宮。諺語「食清、睏宮、人精英」(無憂無慮或遊手好閒)、「田中起廟-種宮(正經)」。
唯字「義」來看,「宮」是住宅房屋、帝王的住所、祭祀神明或者祖先的所在。「間」是兩人之間、處所、所在(像房間)、時候;用「宮」是較倚意。
斗六俗諺「街頭媽祖宮,街尾觀音亭」,宮方佮民間真濟寫做「間」,毋知根據何在?值著研究。 |
|
( 心情隨筆|雜記 ) |