某夜, 在一個深夜電台節目中, 一位走在佔中前線的青年打電話給主持人, 他一時感慨, 略帶哽咽地說 : 我不明白, 為何那些路人責罵我們自私?  現在我們是為香港爭取更好的未來, 他們卻不願放棄那少少的馬路和賺錢的機會.  我覺得他們才是自私的人.

-=-=-=-=-=-=-=-=-=-=-=-=-=-

互聯網上流傳著一位的士司機描述自己於佔中其間的一段遭遇.

由於是勞動界人士寫的, 所以文章非常口語化 (甚多廣東話), 不過個人感覺是很值得分享, 因為它確切地反映了香港現時的社會對佔中的看法.

內文有一句說話是我覺得最惹笑的 - 納粹黨大戰共產黨!

文章如下, 圖上黃色的文字是書面語的解釋.

【當的士大佬遇上“神”】

琴晚晚上十點幾，生意認真麻麻地，我去到觀塘APM等客...
(昨晚約在十時, 生意本來就不太好了, 我駕著車子到觀塘APM[一個商場的名稱]等待乘客.)

 乘客 : 司機大佬，唔該旺角 (麻煩去旺角)

見到佢(他)一身黑衫黑褲黑社會既(的)造型，大約估佢去旺角佔中，立刻無名火起，想踼佢落車，但由於生意真係好差(很不好)，唯有忍住啖氣先。。。

我面帶微笑 : 好，係唔係去佔中果度呀？(是不是前往佔中集會地方啊?)

乘客 : 係阿(對啊)，琴日我地被人搞(昨日我們被人搗亂)，今晚要去支援，要去覆桌(把桌子翻了, 比喻翻臉) 。。。

我仍然很有禮貌面帶微笑的道:支援好，覆桌好！

乘客 : 司機大佬，你都支持佔中呀？

我深呼一啖氣 : 支......支...

我心諗支你老母. (髒話)

乘客 : 反佔中班人擺明就係(就是)收錢搞事啦，一點良心都無(沒有)。。。

去度呢一刻，我真係忍唔住

(到了這一刻, 我沒法子再忍耐)

我 : 老老實實，我琴日(昨日)都有份去反佔中，你口口聲聲話(說)反佔中有錢收，請問係邊度收錢? (請問是在哪兒收錢)

乘客 : 下，你唔係(不是)支持佔中架咩?

我 : 我係(是)支持佔中，唔係(不是)支持佔旺(旺角)，佔銅(銅鑼灣)，佔金鐘，你地係唔係唔知道中環係邊呀？駛唔駛我車你去呀？(你們是不是不知道中環在哪兒? 要我載你去嗎?)

乘客 : 司機，你冷靜d(點)先！

我 : 成日話(常常說)佔中佔中，你地旺角佔過少少去旺中（旺角中心），我都當你地係佔中，呢家塞住條阿皆老街，彌敦道都唔知做乜？(你們將佔領區域移過一點, 佔領旺角中心, 我或可算你們是在佔中, 但是現在你們卻佔領了亞階老街, 彌敦道, 我不知你們在弄甚麼)

乘客 : 佔旺係(是)想令到民眾醒覺，令到大家關注我地呢個(我們這個)行動。。

我 : 咁比你地搞一搞，我直頭成個人醒覺晒啦 (那麼給你們這樣的擾攘, 我真的整個人終於醒覺了)

乘客 : 唉，司機，我都知佔中對你地做成影響(對你們構成影響)，但要鬥爭，就必然要有所犧牲，你要怪就去怪689啦(梁振英 – 香港的特首)

我 : 你要鬥爭，就要我地(我們)犧牲，呢個係乜道理呀？(這是甚麼道理啊?)

乘客 : 咁d差人捉左d打人既人，然後私下放左佢，又咩道理呀？

(那麼警察捉了打佔中者的人後, 又再私下放了他們, 這是甚麼道理啊?)

我 : 差人點做關我能事！(警察怎樣做事跟我沒關係) 老老實實，佢地成日抄牌(警察常常向我發交通告票檢控我)，我恨不得你地(你們)燒左個交通部佢(燒了整個交通部門)，問題係(是)你地的的確確阻住條路呀!(你們真的在堵塞馬路呀!)

乘客 : 為民主自由係咁架啦，司機你都唔好埋沒你既良心，一齊黎支持啦

(為了民主自由就是這樣, 司機你也不要埋沒自己的良心, 一起走出來支持吧)

講到呢度，我實在頂唔住氣(忍不住氣)，將架車泊埋(把車子停泊在)阿皆老街近九龍城警署一邊，決意同佢(跟他)理論一番

乘客 : 司機，你做咩停車？(你為什麼停車)

我 : 呢程我當送比你，唔收你錢，(我不收你這次車程的車資, 就當是我送給你), 我問你，你地成日話香港無自由，到底你地覺得邊度無自由先？(你們常說香港沒有自由, 究竟是哪方面沒有自由?)

這時我抬頭一望倒後鏡，看到這個乘客咬牙切齒，手握拳頭，而且面色陰沉，在的士界打滾多年經驗話比我知(憑我駕駛的士的多年經驗)。。。不對路(事情不妥當)，經歷多件靈異事件既(的)我，亦都不自覺地心寒起來

乘客 : 共產黨d(的)暴行，你唔係唔知下麻(你不會不知吧)。。司機。。

我問佢(他)香港有乜唔自由(有甚麼不自由)，佢(他)竟然答我共產黨，我絕對有理由懷疑佢(他)精神狀況極度不穩定，為了自身安全，我決定先去安慰佢(他)

我 : 你。。冷靜d先(你先冷靜點)，共產黨係仆街(仆街-粗話)我都知，不過要反共產黨都要食飯ga，宜家你地咁(這樣)塞住條街(堵塞馬路)，係阻住人地搵食喎(是不讓人工作)！

乘客大聲喝道 : 我地香港人唔係豬(我們香港人不是豬)，唔係餵飽我地就得(不是餵飽了我們便可以)，我地(我們)要真正民主，真正自由，司機，你真係(真的)甘心只做一隻豬咩?

這句我真嚇左一跳，除左係(除了是)因為佢(他)大喝一聲之外，最大原因係(是)一個香港人努力工作，安居樂業，對佢地黎講只不過係一隻豬既行為(對他們來說只不過是一隻豬的行為)。。

我:我.......

當我正想把話講落去時(把話繼續說下去時)，這個乘客已經搶先把我既(的)說話打斷

乘客:你等等先，我未講完，你地唔好咁(不要那麼)自私，淨係掛著搵食得唔得呀(只顧工作賺錢啊)？

我驚訝地：我.............我自私？

乘客 : 我地為左(我們為了)爭取民主自由，係條街度訓左不知幾多日(在街上不知露宿了多少天)，你地唔支持唔緊要(你們不支持不重要)，都唔好阻住我地(但不要阻止我們)

我一臉無耐(無奈) : 我....我阻住(阻)你地(你們)？

我心諗：你地(你們)霸住條馬路，搞到民不聊生...係(是)我自私？，你地(你們)搵d雜物封著條馬路，竟然變成係我阻住佢地(他們)。。。係唔係痴線架(是不是神經病)？

乘客 : 如果香港人個個都好似你咁(都像你)，呢個香港就無得救(這個香港沒有得救)。。。

呢一刻(這一刻)我終於明白到，身為一個平民, 係唔應該(是不應該)介入學生同(和)政府之間既(的)鬥爭。。

點解(為什麼)？因為好明顯，呢場並唔係(這並非是)一場普通既(的)所謂公民抗命，而係(而是)納粹黨大戰共產黨,像我這種平民百姓介入當中，只會弄得屍骨全無，身敗名裂......

我 : 你既(的)說話令(使)我矛塞頓開(茅塞頓開)，小弟佩服萬分，我真係諗唔到你地為左(我真沒有想到你們為了)民主自由，可以咁(那麼)偉大

此時，呢(這)個乘客既(的)電話響起來...

乘客 : 我聽個(先接聽)電話先...

"喂，未到阿，我岩岩講服左個(我剛剛說服了)的士司機支持我地既佔中行動.."

"轉移去金鐘？，咁啦，係洗衣街等啦，個的士司機好支持我地，唔收我地錢"

(那麼, 我們在洗衣街見, 的士司機非常支持我們, 他不收我們車資)

聽到佢係電話既對話(他的電話對話內容)，我內心泛起莫名既(的)恐懼，腦海裡浮現著"騎劫"二字

乘客 : 司機大佬，唔該(麻煩)先去洗衣街接一接人，然後再去金鐘。。唔該

我所擔心既(的)事終於發生了

騎劫我既(的)民意，我可以忍，想騎我架的士(想騎劫我輛的士)！？我吥！妄想！

我 : 下？(噢?) 金鐘，我係(是)九龍車，香港果邊我唔係咁熟路喎(我不太熟識香港的道路)，咁啦(不如)，呢(這)程我免費車你(我免你車資)去到旺角，你地去搭(乘坐)第二架(輛)車啦

乘客 : 唔緊要(不打緊)，我識路，我可以帶你去

我:其實我今日屋企有d事，諗住車埋你出旺角就收工架啦

(今天, 其實我家中有事, 打算做完你這單生意便回家去)

乘客:講真(說真)，屋企既事你之後可以(家事你可以)慢慢再處理，但係(但是)爭取真普選，如果今次過左(失去了今次機會)，以後再無(沒有)機會既啦

真係生舊叉燒好過生你 (香港人很愛這樣罵人, 比喻一個人連一塊叉燒, 即是一塊豬肉也不如, 因為叉燒都可以吃入肚, 但那人則太沒有用了)

我:言下之意，你認為爭取真普選比起屋企重要?(比家庭重要)

乘客:咁講(該這樣說)，屋企係屬於個人既事(家是屬於個人的事)，爭取民主自由係(是)全香港人既(的)事，我地(我們)佔中，日曬雨淋，我地唔係為左自己(我們不是為了自己)，我地係(我們是)幫你去爭取，幫香港人去抗爭......

我:.....幫我去爭取，幫香港人去抗爭....
你地(你們)日曬雨淋，日日訓街(在街上睡)，爭取左咁多日(爭取了那麼多日)，就係為左我去爭取........封左幾條馬路(就是為了我而封了幾條馬路)，我簡直(真的)感動到想喊

乘客:我地(我們)日日咁(那麼)辛苦為香港，你地又做過d乜呀(你們又做過甚麼)？你為社會做過d乜呀？(做過甚麼)

我:原來你覺得日日訓街(在街上睡)塞住條路(堵塞馬路)就係(就是)為香港付出，為社會貢獻，我真心覺得，你地將來唔駛去搵工(你們將來不用做工)，直接去做(當)一個職業流浪漢....

乘客:講極都唔明(不論怎樣講你都是不明白)，爭取民主自由，你識個屁咩？！

最後，個佔中人氏都有比返程去旺角既的士錢我。。(他有給我到旺角的一程車資)

-=-=-=-=-=-=-=-=-=-=-=-=-=-

因此這陣子, 偶然間我們會稱自己為 "豬"; 亦會暗嘆 "神" 真是不愁衣食住行.

今天是佔中的廿七天了, 感覺是一場沒完沒了的吵鬧.

昨日, 我問老公 : 香港會不會有天再次出現戰爭的場面?

雖然我的想法是悲觀, 但深入去想也不是自尋煩惱.

【佔中局勢】聯合國人權委會促中國確保香港普選不能有不合理限制 

《經濟通通訊社２４日專訊》聯合國人權事務委員會促請中國，確保香港普選行政長官投票 權及被選舉權不能有不合理的限制。

聯合國人權事務委員會主要審核成員國落實《公民權利和政治權利國際公約》的情況，１８ 位專家星期四在日內瓦開會，特別關注香港問題。委員會會後聲明，要求取得進一步資料，關於 香港普選行政長官及立法會的方法，涉及投票權和被選舉權須符合公約的規定。

委員會主席強調，投票權及被選舉權不能有不合理的限制。有成員更指，不希望北京當局篩 選行政長官候選人。

中國於１９９８年簽署有關公約，中方上周已向委員會提交書面回覆，指香港各界對普選行 政長官的方法存有分歧，特區政府正致力令社會凝聚共識，落實２０１７年普選產生行政長官。 委員會成員對中方的回覆並不滿意。

-=-=-=-=-=-=-=-=-=-=-=-=-=-

我很不喜歡金髮藍眼的外國人對我們的政治指指點點. 

是非是人定 (1) http://blog.udn.com/jjcat88/18086954