阮兜个阿嬤真愛睏

                 ──為養顏而作

想起當年彼時

少女个願望

嘛是若像一蕊

芳貢貢个六月花

毋倘請裁¹就放撒²

想起當年彼時

目睭箍圓滾滾

內底閃熠天星佮鑽石

滴落滿滿攏是珍珠

誰人敢講嘸夠媠

天色暗落

來。招呼照路

去。相招作伴

火金姑欲予阿嬤穩穩—安

睡。睡佇月娘个眠床

天光時陣

又擱是一蕊芳貢貢个

青春少女

註1:請裁:任意,隨意定奪。

註2:放撒:丟棄,拋棄。

說明:充足的睡眠是堅定的抗老祕方,”睡個美容覺”這樣的說法應該受到推崇。

無論男女老少，祝大家天天好眠。