 
字體：小 中 大 |
|
|
|
| 2012/05/30 08:43:14瀏覽131｜回應0｜推薦8 | |
| 免插伊，遮的肝遮的腱
土地，永遠會記得 伊的惡形惡狀 人咧做，天咧看 公義，是天地上溫暖的靠山 免插伊，遮的肝遮的腱 歷史，永遠會徛佇 公義彼一爿，伊搶走的 是水，搶袂走你種佇塗跤的 尊嚴 佮意志 免插伊，遮的肝遮的腱 毋捌看過這呢夭壽的怪手 用彼款恥笑的面腔，挖著祖先 的根，伊的惡伊的孽 攏會記佇天公伯仔的數簿 免插伊，遮的肝遮的腱 濁水溪永遠會記得 你飽穗內面的謙卑 佮樸實 莿仔埤嘛永遠會記得 滴佇樸實土地內面的血汗 佮愛戀 免插伊，遮的肝遮的腱 伊的糟蹋，永遠濟袂過我的鼎灶 的感恩，假使有一工 田水若焦去，濟濟的目屎 會作伙踅過受氣的鋤頭，慢慢 流去你身邊 啊！遮的肝遮的腱 免插伊，因為 灶跤的菜刀，已經規腹肚火 恬恬徛佇砧 面頂…… （陳胤/2012/5/23） 註解： 1.免插（tshap）伊：『不理他』。 2.彼一爿：『那一邊』。 3. 毋捌（m̄-bat）：『不曾』。 4.「中科四期」工程在彰化引發巨大風波，除了二林相思寮強徵農地事件外，又強制要截取溪州鄉莿仔埤圳的水，作為面板工廠用水，而如今廠商已確定不進駐，取水工程卻仍如火如荼進行，實令人不解！看見詩人吳晟拖著老命帶著鄉人抗爭，眾多藝文工作者也出來聲援，而本身也是作家、老詩人的女兒吳音寧卻因此被廠商提告，不捨、憤怒之餘，以詩相和，為濁水溪、為農民、也為彰化土地。 ＊ 惦惦聽水圳會歌唱。 濁水滾滾唱乎你聽，南風牽著樹仔一起唱、頂著烈陽的稻子也跟著旋律點著頭、夜裡火金姑提著屁股燈炒熱會場。農人也唱著，唱著水流的快樂，唱出有水疼惜歌。 因為有水，千百年來農村才有「萬物音樂會」。 6/2邀您一起來，聽水圳唱歌、唱給水圳聽。 6/2邀您做伙來，守住百年水圳，別讓水圳徒留哭泣聲。 時間：6/2（六）下午4:00~6:00 地點：彰化溪州溪下路四段水圳旁（http://goo.gl/maps/AyCJ） ＊敬邀，跟隨水路到溪州，不一樣的音樂會，與詩人吳晟一起挺農民...... |
|
| ( 創作｜詩詞 ) |
