 
字體：小 中 大 |
|
|
|
| 2011/09/20 15:36:18瀏覽180｜回應0｜推薦9 | |
| 時代太過沉重
兩個強盜鴨霸的政權 乎汝ｅ身軀，彎曲 變作一座橋，長長ｅ橋 統治者美麗戴笠ｅ白賊話 順橋ｅ倨勢 一句 接一句 行入烏黑樸實ｅ土地 阮知影 濁水溪載著汝ｅ心事 一直佇回流，回流…… 無分 春夏秋冬 阮少年時存ｅ一台舊鐵馬 無小心，佇春風吹起ｅ第一天 輕輕輾過 汝ｅ身軀 彼時阮才知，原來汝是 一道 彩色ｅ虹 內面有悲傷ｅ色水，也有 夢想ｅ光線 汝講 要乎生命善良ｅ靈魂 通車 五十年囉 時代猶原沉重 開通ｅ 竟然是 覓佇人烏暗ｅ所在 彼尾 邪惡奸巧ｅ 蛇 汝甘知影 濁水溪流著阮ｅ目屎 一直佇哭，佇哭…… 無管初一 十五 〈陳胤/紀念西螺大橋通車五十週年/選自流螢詩集〉 ps.2011/9/25是世界河川日，西螺大橋將變成徒步區，有一系列文化活動，晚上有晚會，知名詩人吳晟將為濁水溪朗讀。歡迎前往散步，用心看河，用腳寫詩。 |
|
| ( 創作｜詩詞 ) |
