我來唸歌囉，互恁聽哩，

無卜怯累（錢）啊免著驚兮，

勸咱做人閣著端正，

虎死留名啊人留名兮。

講甲當今囉的世間哩，

鳥為食亡啊人為財啊兮，

想真做人閣著海海，

死將何去生何來咿。

咱來出世囉，無半項哩，

轉去轉手啊又空空兮，

站在世間是若眠夢，

死了江山啊讓別人兮。

做人道德囉愛丟守哩，

榮華富貴啊難得求啊兮，

毋通貪求財子壽，

萬事開化免憂愁咿。

勤咱朋友囉，著做好哩，

世間暫時啊來七桃兮，

做好做歹是攏有報

天理昭昭啊，毋是無兮。

聽歌若有囉，作田人哩，

轉去互恁啊，好收冬兮，

若有坐船卜過外港

包恁順風啊一片帆兮。

世間事業囉，(有)百百款哩，

良心做事啊，咱丟免操煩啊兮，

擱事事尬人擱會完滿，

囝孫仔代代出狀元咿。