競爭

人生有真濟競爭,比如比賽、推薦、選拔、選舉等等,結果公佈了後，總會有誠濟無公平、無客觀的質疑,鋼琴比賽的會場總是有家長咧怨嘆,甚至大小聲,歌唱比賽的評審,有時陣家己嘛感覺對先出場的人較嚴格。

 古早有一個皇帝,下令一位高僧愛佇一禮拜內予伊開悟,一禮拜了後,皇帝去山寺拜訪,看著小沙彌攑一支箠仔咧摃一欉小欉梅仔樹,著問小和尚為安怎欲摃彼欉樹仔,小沙彌回答:「阮師父欲出門有交代,彼欉樹仔已經種一禮拜矣,擱毋結梅仔,所以愛拍」,皇帝聽一下鼻仔摸咧緊轉去,真濟代誌需要耐心佮機緣,欠其中一項攏求不得。