《冷冷看你》的含義

辛苦病疼，若準至親骨肉嘛無法度代替，何妨是好朋友的阿伊（母親），我干旦會當目睭金金人嵩重－束手無策，所以冷冷看你。

序大人病苦，序細的綴咧艱苦罪罫，一來毋甘，二來認為無應該按呢生，所以冷冷看你，冷冷變成做冷靜看待的意思。

因為，序細亂了方寸，於事無補，無一屑仔利益著病者。反倒轉愛了知生老病苦是人生自然的過程，有安定的心緒才有法度齊全去照顧、安搭序大人，冷冷變成做是真情流露的對待。

外人可能會感覺咱無啥咧悲傷，好像無咧關心序大人，敢袂較過分。古早，莊子怹某過身，惠子去弔喪，看著莊子踞（蹲）踮土腳兜，敲著瓦盆咧唱歌。惠子誠受氣就講：「牽手拄過往你一點仔攏無悲傷、啼哭，奚都真過份嘍，你閣咧敲著瓦盆唱歌吶曲，這敢袂傷過頭無款？」

冷冷的外表，其實蘊藏了超越的智慧，看破生老病死的真相，才會當放下自在，無所罣礙！世俗的眼光看來是冷冷無情，卻無看著彼種超越世情牽纏的出世，以及出世閣入世燒燙燙熱撲撲的大愛淑世情懷。

澹閣凋...

這個怎麼讀呢?

我都開始壞疑自己說了三十年的台語嗎?

我完全看得懂.  

謝謝妳送我的"台灣尚美", 我常常聽.