合腳的鞋(華文)
原來穿到合腳的鞋子，感覺這麼美好！好朋友默然在她的網站這樣寫，這句話寫進了我心底。

我小時候住在鄉下，那個年代鄉下的小孩子很少有鞋子可以穿，那時我還沒穿鐵鞋，堂兄有一雙球鞋太小了不能穿，阿爸去撿回來給我穿。我的腳掌沒力氣，沒綁鞋帶的鞋子穿不牢，那雙球鞋有鞋帶，每天早上先在床沿穿好鞋子再下床。有一次阿爸從他房間走出來，看我在綁鞋帶，跟我開玩笑說：「我們家有一個古早人在纏足哦….」，阿爸撿給我的那雙，是我人生第一雙鞋子。讀書以後，阿爸買了雙黑色的塑膠鞋給我穿，那雙鞋子有一條橫過腳盤的束帶。因為小兒麻痺雙腳長的速度不一，一腳大一腳小；左腳若能穿的鞋，右腳因發育不良又沒力氣，就顯得鞋太大，平時穿著沒問題，但家裡到學校是泥濘路，路面沒有舖柏油，若遇下雨天泥巴會把右腳太大雙的鞋子吸住，走一步路就得彎下腰去去替右腳拉起鞋子，很像在跟爛泥巴搶這隻鞋子，小妹總是靜靜的陪伴在身邊慢慢兒等我。放學時間若是下雨，阿母會將田裡的工作暫時放下，跑來背我回家。

我長大後阿母跟我說：她遠遠看我走一步路，就得彎下去拔泥濘中的鞋子，看得她心疼、鼻酸、不捨的情緒噎滿喉，她說我是她可憐的心肝寶貝。不過那時候我一點兒都不覺得自己可憐，可能是因為忙著在拔泥濘中的鞋子吧。
因為下雨天上課不方便，國小四年級時阿母送我去仁愛學校讀書，入學前去醫院做身體檢查，醫生建議我穿鐵鞋，從那時到現在，也穿了三、四十年的鐡鞋了。

住台北時比較方便，要做鐵鞋直接去工廠訂做就可以。來斗六了以後，要做一雙鐵鞋非常麻煩，附近沒有鐵鞋工廠，最近的工廠在台中，若要做一雙鐵鞋，從量寸尺到試穿以及修改，最少得走兩、三趟才能完成。這一、二十年來都是透過這裡復健協會請外地的廠商來做鐵鞋，以前穿習慣台北鐵鞋工廠做的鞋仔，在這裡每次換新鐵鞋，總得用十幾天的時間來適應，上、下機車時非常痛苦，以為這是做一個身障者的宿命，不知道問題是出在廠商。

一直到今年年初重做一雙，協會換新的廠商來雲林縣替我們做鐵鞋。聽說廠商已經換很久了，因為我很久不曾重做，離上一次做鐵鞋也快十年了，新廠商段先生從報價、量寸尺以及試穿等等的流程，與早先的廠商作風不一樣，完成的品質也更優。我想要穿一雙漂亮點的鞋子，不想再穿黑漆漆像雨鞋的皮鞋。段先生建議說，外型可以做得更秀氣一點，然而色澤還是黑色較適當，，因為一雙鞋穿很久，別種色澤久了變色反而更難看。我接受專家的建議，鐵鞋做好將腳伸進去時，我實在不敢相信有這麼好穿的新鐵鞋，一點兒都沒有適應的問題，馬上穿、馬上能自在行走。這可是夢嗎？還是咱脫離苦海了？合腳的鞋子總算讓我找到了！

那天坐在老公身邊，他第一次仔細看我的新鐵鞋，我炫耀說：「漂亮齁？」他說：「若說漂亮，相較於市面上流行的鞋子，還是差很多啦！不過跟以前的比起來，的確好看許多！」好穿又好看，我滿足了。
....不過仍貪心的想著，一雙合腳的鞋子，若能時時走在無障礙的路，人生路會走得較順暢。
當然，最好是…用健康的雙腳來穿合腳的鞋子那更美滿！
我知道，同為「共殘黨」的默然與我，都不敢這樣奢望．．．．

～～～～～～～　～～～～～　～～～～～～～

合跤的鞋(台文)
原來穿著合跤的鞋仔，感覺足好的！好朋友默然佇伊的網站按呢寫，這句話寫入去我的心肝內底。
阮細漢時蹛庄跤，囡仔人少人有鞋通穿，彼時我抑無穿鐵鞋，我的叔伯阿兄有一雙球鞋傷細雙袂穿得，阿爸抾轉來予我穿。我的跤盤無夠力，無縛鞋帶仔的鞋仔穿袂牢，彼雙鞋有鞋帶仔，逐工透早欲落眠床進前，先佇眠床邊仔穿鞋，一擺阿爸對伊房間出來看我咧縛鞋帶仔，共我詼（khue）講：「咱厝裡有一个古早人咧縛跤哦…」，阿爸抾予我彼雙鞋，是我人生的頭一雙鞋仔。入學讀冊了後，阿爸買一雙烏色的塑膠鞋予我穿，彼雙鞋仔有一繚束仔橫過跤盤束起來。因為小兒麻痺雙跤大著無同齊，一跤大一跤細；倒跤若會穿得，正跤發育不良閣無力穿著傷大雙，平時穿咧無問題，厝裡去學校的路無舖點仔膠（瀝青），若是落雨天路糊糜仔會共正跤傷大雙的鞋仔揪牢咧，行一步就偃落去替正跤揪鞋仔，像咧參塗跤相搶彼跤鞋，小妹仔總是陪伴佇我身邊慢慢仔等。放學時間若是落雨，阿母會將田裡的穡頭放咧，走來偝我轉去。
我大漢了後阿母共我講：伊遠遠看我行一步，就愛偃落去抾一擺鞋仔，看著心肝疼、鼻頭 酸、喉管淀（tinn7），我是伊可憐的心肝仔囝。毋拘彼時陣我一點仔都無感覺有啥可憐，大概是因為無閒咧抾鞋仔吧？因為落雨天上課無方便，國校四年阿母送我去仁愛學校讀冊，入學進前去病院做身體檢查了後，醫生建議我穿鐵鞋，一穿嘛穿欲三、四十年矣。
蹛台北時較利便，欲做鐵鞋直接去鐵鞋工廠訂做就會使得；嫁來斗六 了後，欲做鐵鞋足費氣，附近無鐵鞋仔工廠，上近的鐵鞋工廠佇台中，若欲做一雙鐵鞋，對量寸尺到試穿佮修改，上無愛走兩、三逝（tsua7）才完成。一、二十年來攏是透過阮遮復健協會請外地的廠商來的時才做，以早穿慣勢台北鐵鞋工廠的鞋仔，佇遮每一遍換鐵鞋，總是愛用成十工的時間來適應，機車上落時足痛苦，掠準這是做一个殘障者的宿命，毋知影問題出佇廠商。
一直到今年年初重做一雙，協會換新的廠商來雲林縣替阮做鐵鞋。聽講換足久矣，因為我久無做，離頂一擺做鐵鞋欲成十年矣，新廠商段先生唯報價、量寸尺佮試穿等等的流程，參以早的廠商作風無仝，完成的品質加真好。我想欲愛媠，無想欲閣穿烏擼擼像靴管彼款的皮鞋，想欲有較媠外型的皮鞋。段先生建議講，外型會使做較幼秀咧，色水抑是烏色的較適合，因為一雙鞋穿真久，別種色水久來變色顛倒歹看。我接受專家的建議，鐵鞋做好穿落去，我實在毋敢相信那有這呢好穿的新鐵鞋，一點仔都無適應的問題，隨穿隨會當自在行踏，敢是咧眠夢，抑是咱出運矣？合跤的鞋仔總算予我揣著矣！
頂工坐佇翁婿身邊，伊頭一擺詳細看我新的鐵鞋，我共展寶講：「媠嚄？」伊講：「若講媠，參市面流行的鞋仔是差真濟，毋過參以早比起來，已經加足好看矣！」好穿閣好看，我已經真滿足。
....阮貪心按呢想，一雙合跤的鞋仔，若閣有無障礙的路來行，人生路會閣較完滿。
上好，閣有健康的雙跤來穿好行的鞋仔，當然閣較讚！我知影，平平仔攏是「共殘黨」的默然佮我，攏毋敢有這款數想．．．．