字體：小 中 大 |
|
|
|
| 2020/05/13 11:36:49瀏覽109｜回應0｜推薦1 | |
2019.08.08 早起朋友傳來一張圖
內底的文字觸動我的心 想起彼年 阿母胃出血 我接著的消息 厝裡的人佇電話講無啥要緊 阿勳開車載我佮囡仔慢慢仔上北 去到馬偕才知影 阿娘昨暝緊急手術 補充幾何袋血 今已經入去加護病房接受特別的照顧 我到位的時拄好超過探訪時間 咱都古意，遵照病院規定 想講先轉去厝（外家厝佇病院附近） 等下一遍開放時間才閣來 驚仔臨時有狀況 哥哥留佇加護病房外口 我轉到外家兜 拄欲食飯 病院來電話講：伊呀欲揣翠苓 氣氛真緊張 有一種強欲袂赴看伊呀最後一面的感覺 二姐、阿爸陪伴我 緊tsa̍h車向病院直衝 後來二姐共我講 伊參阿爸坐佇後座 共阿爸的手牽咧 阿爸的手冷吱吱、直直chhoah 毋拘阿爸出聲共我安慰 汝莫緊張！！！ 阿爸、我不時懷念你親像山的形影 毋但佇88節～ ＊ tsa̍h車=攔車 直直chhoah=一直發抖 **相片來自網路*
|
|
| ( 心情隨筆｜心靈 ) |
