字體：小 中 大 |
|
|
|
| 2013/08/01 00:22:05瀏覽1477｜回應8｜推薦72 | |
《對嗆》 卸世卸眾是罵人不中用， 若按呢有請你來展威懍。 唔信鐵鴨仔遮呢硬喙胚， 《苦瓜面》 啥米人惹你受氣規面臭浮浮？ 招妳鬥陣內褲一直不願來燙， 溫柔換使性，輕聲承著雷鳴， 原來因為生日無送鑽，哇苦！ 《起呸面》 見面三分禮，好心乎雷鐘， 氣掣為啥米？朋友袂堪凝。 受使弄致蔭？煽著風颱面， 謠言止智者，起啐無念情。 《譀古》 一塊水肉送到喙，棄嫌斡頭閃一屏， 世間無人像遮戇，你若無愛讓我用， 軟軟QQQ蓋合味，袂輸像食赤肉羹… 是食菜抑無落使？毋通罵阮夠囂倖。 《拼纛》 你看我覩腩，我覷你袂爽， 火冒金睛，強買漩尿， 嚼一口檳榔，呸一唾紅涎… 「好膽佮我爬來，恁爸隨乎你死。」 「兄弟有夠嗆！今仔日是你祭日。」 刀光劍影，殺氣千條，神經大家蹦真絚， 緊張、緊張、緊張，刺激、刺激、刺激… 結果，兩屏老大這時拵三胛六肩遮出面： 「煞煞去啦！無代誌。這位大ㄟ是咱前老大——換帖的換帖的換帖…」 |
|
| ( 創作｜詩詞 ) |
