痟話一堆看袂離，其實全是心肝話

摃鐘擂鼓有時分，日出日落攏照輪

＊＊＊＊＊＊＊＊＊＊＊＊＊＊＊

資料來自於瑀璇心靈：《喘息的家書》（台語版一）

引阮思鄉情起的，是昨暝彼一陣雨

偎窗甲看過去，咻咻風聲掣著風鈴

             回憶列隊行過

                一睨目爾

青春嚶嚶啼佇古厝院落的暗巷仔內

一路跟纏的寂寞佮稀微放嘛放袂離

迎迎飛落的枯葉，親像阮驚惶的情

隨風逗鬧熱伴規間厝充滿快樂笑聲

                就好親像

收成又擱是一欉欉典藏的月桂花果

※《喘息的家書》(台語版二)

節季若到彼當袸，定定阻斷飄浪者躊躇前行的跤步

蒼白無時懵度日，面頭前突然間發現置著一封批信

露水遮清，猶原曷洗袂掉思念留落來舊痕跡

將燒酒甲溫乎燒，入喉仝款著忍受遐呢薟冷

存落來的，卻無法度來面對思鄉哀怨的情緒

                      下昏暗

借牽月娘伊手，泡一壺歲月好清茶

扚思鄉添為葉，趁燒氣襯煙霧回憶

展開全攏心事，流向天星淚吟成詩

                      今仔日

鼻著茶的芳味，滿心歡喜看厝寄來此批信

將異鄉浪子早就失落的青春重新擱撿起來

好好仔寫一篇：風吹卡惦厝頂笑詼的故事

※流觴亭：”看圖寫文” 《愛錢嘛愛情》

是啥咪碗鍋？摸蜊仔殼一大堆

遮若攏是錢，嘿吾就好野人囉

若千年信物，咱的愛卻送袂止

噯！愛錢懵夢，愛情加減憨想

※靈感源自《夢屋子：”素月的愛與恨”》

月色照在三線路

等無人是過往事

咁曷註該遐歹命

流的目屎無釆工

若查甫人甚逞性

綴伊一生攏烏有

路大條啥咪路用

毋是乎青仔欉舂

便是坎坷烏白傱

揣夢的厝討安慰

果然一帖話隨治

※《偷窺者》

惦惦看完了後吾躡跤尾趕緊阿孵浪港

就好親像適才阮嘛是惦惦仔躡來偷眯

此時拵突一支雨傘規面曷擱佇燒燙燙

續落欲按怎收拾此支遮是頭大的代誌

※《羅漢跤》

愛河邊空闃闃看無椅條坐有半對情侶

更深夜靜衹存吾孤單茫茫曷佇罔流連

遠遠有人晃呀晃舉著手電漸漸行偎近

恁祖嬤咧！看毋是勢緊竄才是正確滴

※《風颱了後》

掃規暝風颱若鬼佇嚎吵甲人攏睏袂去

起牀時頭昏昏腦鈍鈍變晟成有體無魂

出門眼前看樹倒路崩蓋親像世界末日

阿娘喂！咁真正人匪類慘作惹怒天威

※《環保抓太保》

牽狗仔四界蹓到處去放黃金

也會單腿舉懸一道銀光射出

此是食毛件消化後正常現象

回歸自然警察開罰單甚無情

※《茭出害害人生》

跋輸筊卻起憨面褪褲做肉砧相拄

水水人淪落此款地步有影真怨嘆

嘛有查甫人拋妻棄子講出國留學

迣一輪返東山再起出脱是豬哥亮

可惜父女情曷無解因為錢惹禍端

世間是非攏人爻使弄無語問蒼天

（註：茭>賭）

※《鬼某刻刻纏》

哩哩囉囉講鬼古，七月節內合時拵

幾度附身又離分，存辦驚破眾人魂

一齣痟戲大鬧劇，從此出名西門町

勸鬼人間免留戀，此地參彼並無分

貪瞋痴狂袂了時，朝夕得志失分寸

汝若愛伊請留情，毋通亂開陰陽門