母囝連心 

■咬指疼心

有一工，曾參去山頂剉柴。

忽然間，有遠位的人客來拜訪伊。厝內干旦怤母囝相依為命，老母年紀濟身體閣欠安，無法度案內人客，嘛驚人客等傷久失禮。一等規點鐘，曾參猶是無轉來，人客閣咧留咧等候，老母心肝也急也慒，毋知欲按怎好？一時緊張煞用喙咬手指頭仔。

人講十指連心，心電感應，仝時間曾參佇山底心肝頭雄雄搐一下足疼足艱苦，心內想講其中必有緣故，一定是老母拄著啥代誌，隨時共柴捆捆縛縛咧，沿路行沿路走，趕落山跤轉來到厝，阿母已經坐佇門口貓貓看足久的！

若毋是曾參平常時仔對老母盡孝，真了解老母的心意，欲若會當心靈相通！這是二十四孝其中出名的故事！